કરિયર ડેસ્ક. નવી દિલ્હી
યુવાનો માટે સારા સમાચાર છે, જો તમે બેંકમાં નોકરી કરવા માંગો છો તો તમારા માટે આ એક સારી તક છે. હાલમાં, દેશની ત્રણ મોટી સરકારી બેંકો સ્ટેટ બેંક ઓફ ઈન્ડિયા (SBI), સેન્ટ્રલ બેંક ઓફ ઈન્ડિયા (CBI) અને બેંક ઓફ બરોડા (BoB)માં કુલ 16,650 એપ્રેન્ટિસશીપ પોસ્ટ માટે બમ્પર ભરતી ચાલી રહી છે. ફ્રેશર્સ માટે બેંકિંગ ક્ષેત્રની કામગીરી શીખવાની અને તેમની કારકિર્દીની મજબૂત શરૂઆત કરવાની આ શ્રેષ્ઠ તક છે.
સેન્ટ્રલ બેંક ઓફ ઈન્ડિયા (CBI) એપ્રેન્ટિસ ભરતી:
સેન્ટ્રલ બેંક ઓફ ઈન્ડિયાએ દેશભરમાં તેની વિવિધ શાખાઓ માટે એપ્રેન્ટિસની જગ્યા પર ભરતી માટે પાત્રતા ધરાવતા ઉમેદવારો પાસેથી અરજીઓ આમંત્રિત કરી છે. કુલ પોસ્ટ્સ 4,500 છે.
શૈક્ષણિક લાયકાત:
ઉમેદવાર પાસે કોઈપણ માન્ય યુનિવર્સિટીમાંથી કોઈપણ વિદ્યાશાખામાં સ્નાતકની ડિગ્રી હોવી જોઈએ.
ઉંમર મર્યાદા:
લઘુત્તમ 20 વર્ષ અને મહત્તમ 28 વર્ષ (આરક્ષિત વર્ગોને સરકારી નિયમો મુજબ છૂટછાટ મળશે). સ્ટાઈપેન્ડ (દર મહિને): રૂ. 15,000 થી રૂ. 20,000 (શાખા ગ્રામીણ, અર્ધ-શહેરી કે શહેરી વિસ્તાર છે તેના આધારે).
પસંદગી પ્રક્રિયા:
પસંદગી ઓનલાઈન લેખિત પરીક્ષા (ઓબ્જેક્ટિવ ટેસ્ટ) અને સ્થાનિક ભાષા ટેસ્ટના આધારે કરવામાં આવશે.
અરજી ફી:
જનરલ/OBC/EWS માટે રૂ. 800, SC/ST/મહિલા ઉમેદવારો માટે રૂ. 600 અને PH ઉમેદવારો માટે રૂ. 400.
ભારતીય સ્ટેટ બેંકમાં 7150 ભરતી દેશની સૌથી મોટી જાહેર ક્ષેત્રની બેંક, SBI યુવાનોને બેંકિંગની ઘોંઘાટ શીખવવા માટે મોટા પાયા પર એપ્રેન્ટિસશીપની તક આપી રહી છે.
શૈક્ષણિક લાયકાત:
કોઈપણ માન્ય સંસ્થામાંથી સ્નાતકની ડિગ્રી. ઉમેદવારોની ઉંમર 20 થી 28 વર્ષની વચ્ચે હોવી જોઈએ. રૂ. 15,000 (સંપૂર્ણ 1 વર્ષ માટે નિશ્ચિત). આ સિવાય અન્ય કોઈ ભથ્થું આપવામાં આવશે નહીં. ઉમેદવારોની પસંદગી ઓનલાઈન લેખિત પરીક્ષા અને સ્થાનિક ભાષાની પરીક્ષા (જો લાગુ હોય તો)ના આધારે કરવામાં આવશે. આમાં કોઈ ઈન્ટરવ્યુ લેવામાં આવતો નથી.
અરજી ફી:
જનરલ, OBC અને EWS કેટેગરી માટે રૂ. 300. જ્યારે SC/ST/PWD ઉમેદવારો માટે અરજી સંપૂર્ણપણે મફત છે. બેંક ઓફ બરોડામાં પાંચ હજારની ભરતી બેંક ઓફ બરોડાએ પણ પોતાના નેટવર્કને મજબૂત કરવા અને યુવાનોને કૌશલ્ય પ્રદાન કરવા એપ્રેન્ટીસશીપ પ્રોગ્રામ હેઠળ અરજીઓ મંગાવી છે. લઘુત્તમ વય 20 વર્ષ અને મહત્તમ વય 28 વર્ષ નક્કી કરવામાં આવી છે. દર મહિને 15,000 રૂપિયા આપવામાં આવશે. અભિરુચિ અને ઓનલાઈન કસોટીઓ તેમજ પ્રાદેશિક ભાષા જ્ઞાનની કસોટીઓનું સંયોજન હાથ ધરવામાં આવશે. જનરલ અને ઓબીસી માટે રૂ. 450, જ્યારે એસસી/એસટી અને મહિલા ઉમેદવારો માટે રૂ. 100.
આ પણ વાંચો – અખબાર પહેલા તમારા રાજ્ય/શહેરના સમાચાર વાંચવા માટે ક્લિક કરો.
