પ્રખ્યાત નાઝકા લાઇન્સમાં યુરોપિયન પ્રવાસીઓને લઈ જતું એક વિમાન પેરુવિયન શહેર નાઝકાની બહાર ખેતરની જમીનમાં ક્રેશ થયું છે, જેમાં સવાર 13 લોકો માર્યા ગયા છે. સ્થાનિક અધિકારીઓએ આ માહિતી આપી હતી. નાઝકા શહેર વહીવટીતંત્રે જણાવ્યું હતું કે વિમાને શનિવારે નજીકના શહેર ઇકાથી ઉડાન ભરી હતી અને પેરુવિયન એરલાઇન એરોડિયાના દ્વારા તેનું સંચાલન કરવામાં આવ્યું હતું. કંપનીએ તેની વેબસાઈટ પર જણાવ્યું છે કે તે છેલ્લા 14 વર્ષથી સેસના ગ્રાન્ડ કારવાં એરક્રાફ્ટ દ્વારા આવી ફ્લાઈટ્સ ચલાવી રહી છે જેમાં પ્રવાસીઓને હવાઈ માર્ગે પ્રખ્યાત ઐતિહાસિક અને પુરાતત્વીય સ્થળ નાઝકા લાઈન્સ બતાવવામાં આવે છે.
નાઝકા લાઇન્સ શા માટે પ્રખ્યાત છે?
નાઝકા લાઇન્સ એ સેંકડો વર્ષો પહેલા પેરુવિયન આદિવાસી સમુદાયો દ્વારા રણની સપાટી પર કોતરવામાં આવેલા વિશાળ લેન્ડફોર્મ્સનું જૂથ છે. આ આકૃતિઓ વિવિધ પ્રાણીઓના છે અને ફક્ત વિમાન અથવા વિશિષ્ટ ટાવરમાંથી જ સંપૂર્ણ રીતે જોઈ શકાય છે.
વિમાનમાં 11 પ્રવાસીઓ સવાર હતા
પેરુના પરિવહન મંત્રાલયના જણાવ્યા અનુસાર, મૃતકોમાં 18 થી 54 વર્ષની વયના સાત ઇટાલિયન નાગરિકો, 52 વર્ષની વયના બે સ્પેનિશ અને 77 અને 78 વર્ષની વયના બે જર્મન નાગરિકોનો સમાવેશ થાય છે. આ સિવાય વિમાનના પાઇલટ અમેરીકો સાલાઝાર અને કો-પાયલટ ઇરેન્કા ગુઆનીલો ડેલ કાર્પિયોનું પણ આ દુર્ઘટનામાં મોત થયું હતું.
