આકાંક્ષા ચમોલાએ તેના છૂટાછેડાને પબ્લિસિટી કહેનારાઓને આપ્યો જડબાતોડ જવાબ…

‘લોકઅપ 2’‘ બહાર આવ્યા પછી, આકાંક્ષાએ મીડિયા સાથે વાત કરતા કહ્યું, ‘મને નથી લાગતું કે કોઈ આટલા મોટા પ્લેટફોર્મ પર જઈને ટીઆરપી માટે કહેશે કે હું મારા પતિને છૂટાછેડા આપી રહી છું. કૃપા કરીને મારા ઘરે આવો, મારી લીગલ ટીમ સાથે વાત કરો.

તેણીએ ખુલાસો કર્યો કે શોમાં જતા પહેલા તેના છૂટાછેડાની કાનૂની ઔપચારિકતાઓ પૂર્ણ થઈ ગઈ હતી. હવે તેણે અને ગૌરવે કાગળો પર સહી કરવાની બાકી છે.

આકાંક્ષાએ વધુમાં કહ્યું કે, “અમે જ્યારે લગ્ન કરી રહ્યા હતા ત્યારે પણ લોકો માનતા હતા કે અમે પબ્લિસિટી માટે કરી રહ્યા છીએ, પરંતુ એવું નથી થતું. માત્ર એટલા માટે કે અમે એક્ટર્સ છીએ, તેનો અર્થ એ નથી કે અમે જે પણ કરી રહ્યા છીએ તે પબ્લિસિટી માટે છે.”

તમને જણાવી દઈએ કે, આકાંક્ષા અને ગૌરવના લગ્ન વર્ષ 2016માં થયા હતા. બંનેએ 10 વર્ષ બાદ છૂટાછેડા લીધા હતા. આ જાહેરાતથી ચાહકો પણ દુખી છે.