સલમાન ખાનના જિમ આઉટલેટમાં લાગી આગ, ઘટનાસ્થળે જ તમામનો સુરક્ષિત બચાવ

પીટીઆઈ અનુસાર, પોલીસે જણાવ્યું કે અભિનેતાના જિમની ફ્રેન્ચાઇઝી ગ્રેટર કૈલાશના એમ-બ્લોક માર્કેટમાં આવેલી છે. તેના પહેલા માળે આગ લાગવાના સમાચાર ગુરુવારે રાત્રે 10.15 વાગ્યાની આસપાસ મળ્યા હતા.

અધિકારીઓએ જણાવ્યું કે ફાયર વિભાગના આગમન પહેલા સ્થાનિક કર્મચારીઓ ઘટનાસ્થળે પહોંચ્યા અને જિમમાં રહેલા લોકોને સુરક્ષિત રીતે બહાર કાઢ્યા.

શોર્ટ સર્કિટને કારણે આગ લાગી હોવાનું માનવામાં આવે છે, પરંતુ ચોક્કસ કારણની તપાસ હજુ ચાલુ છે.

પોલીસે વધુમાં જણાવ્યું હતું કે હાલ આગના કારણે કોઈ નુકસાન કે ઈજાના સમાચાર નથી. ઘટના સ્થળને સુરક્ષિત કરી દેવામાં આવ્યું છે અને હવે સ્થિતિ સામાન્ય છે.

તેણે એ પણ જણાવ્યું કે આ જિમ સલમાનની માલિકીનું નથી, પરંતુ તે તેની જિમ બ્રાન્ડની ફ્રેન્ચાઈઝી છે.

વર્ક ફ્રન્ટ પર, અભિનેતા તેની આગામી ફિલ્મ ‘SVC 63’ માં વ્યસ્ત છે, જેનું નામ ‘ધ મોન્સ્ટર’ છે.‘ છે. આમાં તેની સાથે નયનથારા દેખાશે.