અમેરિકાના ફ્લોરિડાના તલ્લાહસી શહેરમાં ફ્લોરિડા A&M યુનિવર્સિટી (FAMU)ના ‘હોમકમિંગ વીકએન્ડ’ સેલિબ્રેશન દરમિયાન ફૂટબોલ સ્ટેડિયમ નજીક શનિવારે ભયાનક ફાયરિંગની ઘટના પ્રકાશમાં આવી છે. આ અંધાધૂંધ ગોળીબારમાં 6 માસૂમ બાળકો સહિત ઓછામાં ઓછા 12 લોકો ગંભીર રીતે ઘાયલ થયા છે.
તલ્લાહસી પોલીસ વિભાગના જણાવ્યા અનુસાર, ઘાયલ થયેલા લોકોમાંથી ત્રણની હાલત ગંભીર છે, જ્યારે બાકીના નવ પીડિતોની હાલત સ્થિર હોવાનું જાણવા મળે છે.
મેચ બાદ ભીડભાડવાળા વિસ્તારમાં હિંસા ફાટી નીકળી હતી
પોલીસ દ્વારા કરવામાં આવેલી પ્રાથમિક તપાસમાં જાણવા મળ્યું છે કે આ ઘટના યુનિવર્સિટીની ફૂટબોલ મેચ બાદ બની હતી.
આ પણ વાંચો:એન્જિનિયર વિદ્યાર્થીએ શસ્ત્રો પહોંચાડવામાં મદદ કરી; ટાઇગર ફાયરિંગ કેસમાં ખુલાસો
પોલીસના જણાવ્યા અનુસાર, સ્ટેડિયમની નજીક એક મોટી ભીડ હાજર હતી, જ્યાં અચાનક કોઈ મુદ્દા પર કેટલાક લોકો વચ્ચે દલીલ અને લડાઈ શરૂ થઈ ગઈ. થોડી જ વારમાં વિવાદ લોહિયાળ સંઘર્ષમાં ફેરવાઈ ગયો અને ગોળીબાર શરૂ થઈ ગયો.
