હુતીઓ સાઉદી અરેબિયા પર સતત મિસાઈલો છોડે છે. સાઉદીની આગેવાની હેઠળના ગઠબંધને રવિવારે આ સંદર્ભમાં એક નિવેદન બહાર પાડ્યું હતું. જેમાં તેણે કહ્યું હતું કે તેણે હુથીઓ દ્વારા છોડવામાં આવેલી 10 બેલેસ્ટિક મિસાઈલોને અટકાવી હતી. ગઠબંધનના પ્રવક્તા મેજર જનરલ તુર્કી અલ-મલ્કીએ પણ એક્સ પર એક પોસ્ટમાં આ માહિતી આપી હતી.તેમણે કહ્યું હતું કે આ બેલેસ્ટિક મિસાઈલોને નષ્ટ કરી દેવામાં આવી છે. રવિવારે સાઉદીની રાજધાની રિયાધમાં પણ વિસ્ફોટના અવાજો સંભળાયા હતા. તમને જણાવી દઈએ કે સાઉદી કિંગડમ હુતીઓ દ્વારા વારંવાર કરવામાં આવેલા હુમલા છતાં રિયાધ ઈન્ટરનેશનલ એરપોર્ટ ફરીથી ખોલવા જઈ રહ્યું હતું.
દિવસની શરૂઆતમાં, સાઉદી નાગરિક સંરક્ષણ અધિકારીઓએ રિયાધ, આભા અને ખામિસ મુશૈત માટે કટોકટી ચેતવણીઓ જારી કરી હતી. થોડીવાર પછી, અધિકારીઓએ જાહેરાત કરી કે ધમકી સમાપ્ત થઈ ગઈ છે. અધિકારીઓના જણાવ્યા અનુસાર, બે ડ્રોન અને એક બેલેસ્ટિક મિસાઈલ પણ રિયાધ તરફ અને એક ક્રુઝ મિસાઈલ દક્ષિણી શહેર ખામિસ મુશૈત તરફ છોડવામાં આવી હતી.
રિયાધનું કિંગ ખાલિદ ઈન્ટરનેશનલ એરપોર્ટ છેલ્લા કેટલાક અઠવાડિયામાં હુતીઓના હુમલા હેઠળ આવ્યું છે. રવિવારે અહીં બે ટર્મિનલમાં કામગીરી ફરી શરૂ કરવામાં આવી હતી. જો કે, હુથીઓનો ખતરો હજુ પણ છે. કારણ, લશ્કરી પ્રવક્તા યાહ્યા સરીએ જણાવ્યું હતું કે એરપોર્ટ હજી પણ સૈનિકોનું નિશાન છે. તમામ એરલાઈન્સ, એરપોર્ટ કર્મચારીઓ અને મુસાફરોને પણ તેનો ઉપયોગ ટાળવા ચેતવણી આપી છે.
નોંધનીય છે કે એર ઈન્ડિયા, એર ઈન્ડિયા એક્સપ્રેસે શનિવારે રિયાધ અને દમ્મામની તેમની સંબંધિત ફ્લાઈટ્સ 7 નવેમ્બર સુધી રદ કરવાની જાહેરાત કરી હતી, જ્યારે જેદ્દાહની સેવાઓ 31 ઓક્ટોબર સુધી સ્થગિત રહેશે. ઈન્ડિગો અને અકાસા એરએ પણ ગુલ દેશમાં વધતા જિયોપોલિટિકલ તણાવ અને હવાઈ હુમલા વચ્ચે સાઉદી અરેબિયાના શહેરોની ફ્લાઈટ્સ રદ કરી છે.
