ભારત અને ઓસ્ટ્રેલિયા વચ્ચે પર્થમાં રમાયેલી ODI શ્રેણીની પ્રથમ મેચમાં વિરાટ કોહલી અને રોહિત શર્મા જેવા દિગ્ગજ ખેલાડીઓથી સજ્જ ભારતની ટોચની બેટિંગ પડી ભાંગી હતી. માર્ચમાં ચેમ્પિયન્સ ટ્રોફીની ફાઈનલ પછી, રોહિત અને કોહલી પ્રથમ વખત આંતરરાષ્ટ્રીય ક્રિકેટ રમ્યા હતા પરંતુ બંને ખરાબ રીતે નિષ્ફળ રહ્યા હતા. હિટમેને 8 રન બનાવ્યા પરંતુ કિંગ કોહલી ખાતું પણ ખોલાવી શક્યો ન હતો. વરસાદથી પ્રભાવિત મેચ દરમિયાન રોહિત શર્મા નવા ODI કેપ્ટન શુભમન ગિલ સાથે પોપકોર્ન ખાતા જોવા મળ્યો હતો. કેમેરાનું ધ્યાન આ બંને પર પડતાં જ કોમેન્ટ્રી કરી રહેલા અભિષેક નાયર બોલ્યા – અરે ભાઈ, તેને પોપકોર્ન ના આપો.
ટેસ્ટ અને T20 આંતરરાષ્ટ્રીય મેચોમાંથી નિવૃત્ત થયેલા રોહિત શર્માએ ઓસ્ટ્રેલિયા પ્રવાસ માટે ભારતના ભૂતપૂર્વ સહાયક કોચ અભિષેક નાયરની દેખરેખ હેઠળ સખત તાલીમ લીધી હતી. બંને ખૂબ જ ગાઢ મિત્રો છે. રોહિત શર્માએ મુંબઈમાં ઘણા મહિનાઓ સુધી સતત મહેનત કરી અને તેની ફિટનેસમાં પણ નવો અવતાર જોવા મળ્યો.
પર્થમાં મેચ શરૂ થતા પહેલા અભિષેક નાયરે રોહિત શર્માના નવા અવતાર વિશે વાત કરી હતી. તેણે ખુલાસો કર્યો કે કેવી રીતે હિટમેને 11 કિલો વજન ઘટાડ્યું છે અને તેની નજર 2027 ODI વર્લ્ડ કપ પર છે.
નાયરે JioHotstar પર કહ્યું, ‘મને લાગે છે કે વજન ઘટાડવા વિશે ઘણી વાતો થઈ રહી છે. શરૂઆતમાં અમારો હેતુ વધુ ફિટ અને સ્લિમર બનવાનો હતો. આ વિશે મેં અગાઉ પણ જણાવ્યું છે. એકવાર જ્યારે તે બ્રિટનમાં રજાઓ ગાળ્યા બાદ એરપોર્ટથી બહાર આવ્યો ત્યારે તેની તસવીર સામે આવી છે. તેથી તે તેને બદલવા માંગતો હતો. તે પુનરાગમન ઈચ્છતો હતો.
