પાકિસ્તાન અને દક્ષિણ આફ્રિકા વચ્ચે બે ટેસ્ટ મેચની શ્રેણીની બીજી અને છેલ્લી મેચ રાવલપિંડી ક્રિકેટ સ્ટેડિયમમાં રમાઈ રહી છે. આ મેચમાં પાકિસ્તાનના કેપ્ટન શાન મસૂદે ટોસ જીતીને પ્રથમ બેટિંગ કરવાનો નિર્ણય લીધો છે. આસિફ આફ્રિદીને બીજી ટેસ્ટમાં પાકિસ્તાન તરફથી ડેબ્યૂ કરવાની તક મળી, તે 39 વર્ષનો છે. અનુભવી અબરાર અહેમદ પર આસિફ આફ્રિદીને પ્રાધાન્ય આપવામાં આવ્યું છે. આફ્રિદીની પસંદગીનો અર્થ એ છે કે ટીમ મેનેજમેન્ટે બીજી ટેસ્ટમાં બે ડાબા હાથના સ્પિનરોને રમવાનું નક્કી કર્યું છે કારણ કે તે પહેલાથી જ સ્થાપિત બોલર નોમાન અલી સાથે જોડી બનાવશે જેણે લાહોરમાં પ્રથમ મેચમાં પાકિસ્તાનની 94 રનની જીતમાં 10 વિકેટ પણ લીધી હતી. તેના સિવાય ટીમમાં અન્ય એક સ્પિનર સાજિદ ખાન છે.
આસિફ આફ્રિદી પાકિસ્તાન તરફથી ટેસ્ટ ક્રિકેટમાં ડેબ્યૂ કરનાર બીજો સૌથી વૃદ્ધ ખેલાડી બની ગયો છે. આ યાદીમાં પ્રથમ સ્થાન પર મીરાં બક્ષ છે, જેમણે 1955માં 47 વર્ષની વયે ભારત વિરુદ્ધ ટેસ્ટ ડેબ્યૂ કર્યું હતું.
પાકિસ્તાન તરફથી ટેસ્ટ ડેબ્યૂ કરનાર સૌથી વૃદ્ધ ખેલાડીઃ
47 વર્ષ 284 દિવસ – મીરાં બક્ષ વિરુદ્ધ ભારત, 1955
38 વર્ષ 299 દિવસ – આસિફ આફ્રિદી વિ દક્ષિણ આફ્રિકા, 2025*
