પીટીઆઈ અનુસાર, ઋષભ પંત સાઉથ આફ્રિકા-એ સામે નંબર 5 પર રમશે. સરફરાઝ ખાનનો પણ આ જ નંબર છે. સરફરાઝને આ કારણોસર ટીમમાં સ્થાન આપવામાં આવ્યું ન હતું. તમને જણાવી દઈએ કે સરફરાઝ ખાન ન્યૂઝીલેન્ડ સામેની ટેસ્ટ સીરીઝથી ટીમ ઈન્ડિયાની બહાર છે. ઓસ્ટ્રેલિયા અને ઈંગ્લેન્ડ બંને ટેસ્ટ શ્રેણી માટે તેની પસંદગી કરવામાં આવી ન હતી. તમને જણાવી દઈએ કે તેણે ન્યૂઝીલેન્ડ ટેસ્ટ સિરીઝમાં સદી ફટકારી હતી પરંતુ આ સિવાય તેણે 0. 11. 9. 0 અને 1નો સ્કોર બનાવ્યો હતો.
હવે સરફરાઝ ખાનને ટીમ ઈન્ડિયામાં વાપસી કરવા માટે નવી સલાહ મળવા લાગી છે. ટીમ ઈન્ડિયાના પૂર્વ પસંદગીકારે સરફરાઝને સલાહ આપી છે કે હવે સરફરાઝે નંબર 3 પર રમવું જોઈએ.તેમનું માનવું છે કે જો સરફરાઝ ખાન નંબર 5 પર રમવાનું ચાલુ રાખશે તો તેના માટે ટીમ ઈન્ડિયામાં વાપસી કરવી મુશ્કેલ થઈ જશે કારણ કે ટીમ ઈન્ડિયા પાસે આ સ્થાન પર ઘણા વિકલ્પો છે. પંત ઉપરાંત વોશિંગ્ટન સુંદર. નીતિશ રેડ્ડીનો સમાવેશ થાય છે. ધ્રુવ જુરેલ એક શ્રેષ્ઠ વિકલ્પ છે. આવી સ્થિતિમાં સરફરાઝનો નંબર મેળવવો મુશ્કેલ છે. હવે જો સરફરાઝ 3 નંબર પર રમીને રન બનાવે છે તો તેનું સ્થાન ત્યાં બની શકે છે કારણ કે તે એવો નંબર છે જ્યાં ખેલાડીઓ બહુ સારું પ્રદર્શન કરી શક્યા નથી. હાલમાં સાઈ સુદર્શનને તે નંબર પર તક આપવામાં આવી રહી છે.
