મહિલા ODI વર્લ્ડ કપ 2025નું આયોજન ભારત અને શ્રીલંકામાં કરવામાં આવી રહ્યું છે. જો કે આ ટુર્નામેન્ટનું યજમાન ભારત છે, પરંતુ પાકિસ્તાનના કારણે શ્રીલંકાને સહ-યજમાન બનાવવામાં આવ્યું હતું. જેના કારણે માત્ર એક જ સેમીફાઈનલનું સ્થળ નક્કી કરવામાં આવ્યું હતું. બીજી સેમી ફાઈનલ અને ફાઈનલ ક્યાં થશે? તેનો નિર્ણય પાકિસ્તાનની જીત પર નિર્ભર હતો, પરંતુ હવે આ ટીમ વર્લ્ડ કપમાંથી બહાર થઈ ગઈ છે. જેના કારણે હવે સેમીફાઈનલ અને ફાઈનલ બંને ભારતમાં જ યોજાશે. જો પાકિસ્તાનની ટીમ સેમીફાઈનલ કે ફાઈનલમાં પહોંચી હોત તો આ મેચો શ્રીલંકામાં જ થઈ હોત, પરંતુ હવે આવું નહીં થાય.
પાકિસ્તાન વર્લ્ડ કપમાંથી બહાર થતાં જ નવી મુંબઈ સ્થિત ડૉ.ડી.વાય.પાટીલ સ્પોર્ટ્સ એકેડમીને મોટો ફાયદો થયો. હવે 30 ઓક્ટોબરે યોજાનારી બીજી સેમિફાઇનલ અને ફાઇનલ મેચ આ સ્ટેડિયમમાં રમાશે, જ્યારે પ્રથમ સેમિફાઇનલનું સ્થળ હજુ નક્કી થયું નથી. જોકે, આ મેચ 29 ઓક્ટોબરે ગુવાહાટીના બરસાપારા ક્રિકેટ સ્ટેડિયમમાં રમાઈ શકે છે.
