તે 90 ના દાયકાની વાત હતી. યશ ચોપરા રોમેન્ટિક ફિલ્મ બનાવી રહ્યા હતા. આ ફિલ્મ માટે તેને બે અભિનેત્રી જોઈતી હતી. તેણે આ ફિલ્મ માટે માધુરી દીક્ષિતને સાઈન કરી હતી અને તે બીજી અભિનેત્રીની શોધમાં હતો. જોકે, જેવી જ અન્ય અભિનેત્રીઓને ખબર પડી કે માધુરી આ ફિલ્મમાં છે, તો તેમણે સ્ક્રિપ્ટ સાંભળ્યા પહેલા જ ફિલ્મને નકારી કાઢી હતી. આ વાતનો ખુલાસો ખુદ કરિશ્મા કપૂરે કર્યો છે.
વાસ્તવમાં, યશ ચોપરાએ તે ફિલ્મમાં બંને અભિનેત્રીઓ વચ્ચે ડાન્સ કોમ્પિટિશન બતાવવાની હતી અને કોઈ પણ એક્ટ્રેસ માધુરી દીક્ષિત સાથે ડાન્સ કોમ્પિટિશન કરવા માંગતી ન હતી, તેથી તે ફિલ્મ કરવાની ના પાડી રહી હતી.
આવી સ્થિતિમાં યશ ચોપરાએ ફરી કરિશ્મા કપૂરનો સંપર્ક કર્યો. તેણે કરિશ્મા કપૂરને ઓછામાં ઓછી સ્ક્રિપ્ટ સાંભળવા કહ્યું. કરિશ્મા રાજી થઈ ગઈ. તેણે અને તેની મમ્મીએ સ્ક્રિપ્ટ સાંભળી. સ્ક્રિપ્ટ સાંભળ્યા બાદ કરિશ્માની માતાએ તેને સમજાવ્યું કે, “ડાન્સ કોમ્પિટિશનથી ડરશો નહીં, વિચારો કે આ કેટલી મોટી તક છે.” તેની માતાની આ વાત સાંભળીને કરિશ્માએ હા પાડી.
આ ફિલ્મ સિનેમાઘરોમાં રિલીઝ થઈ અને બ્લોકબસ્ટર સાબિત થઈ. આ ફિલ્મનું નામ ‘દિલ તો પાગલ હૈ’ છે. આ ફિલ્મમાં માધુરી અને કરિશ્મા સાથે અક્ષય કુમાર અને શાહરૂખ ખાન પણ હતા. આ ફિલ્મમાં શાહરૂખ ખાન લીડ રોલમાં હતો અને અક્ષય કુમારનો કેમિયો હતો.
