ICC મહિલા ક્રિકેટ વર્લ્ડ કપ અપડેટેડ પોઈન્ટ ટેબલ: હરમનપ્રીત કૌરની આગેવાની હેઠળની ટીમ ઈન્ડિયાએ ICC મહિલા ક્રિકેટ વર્લ્ડ કપ 2025ની 24મી મેચમાં ન્યૂઝીલેન્ડને હરાવીને સેમિફાઈનલમાં પ્રવેશ મેળવી લીધો છે. વરસાદ વિક્ષેપિત આ મેચમાં પ્રથમ બેટિંગ કરતા ટીમ ઈન્ડિયાએ પ્રતિકા રાવલ અને સ્મૃતિ મંધાનાની સદીની મદદથી 49 ઓવરમાં 3 વિકેટના નુકસાન પર 340 રન બનાવ્યા હતા. પ્રથમ દાવ બાદ વરસાદ બાદ લક્ષ્યમાં ફેરફાર કરવામાં આવ્યો હતો, ન્યુઝીલેન્ડને 44 ઓવરમાં 325 રનનો પીછો કરવાનો હતો, પરંતુ કિવી ટીમ 8 વિકેટના નુકસાન પર 271 રન જ બનાવી શકી હતી. ભારતે આ મેચ 53 (DLS) રનના માર્જીનથી જીતી હતી.
આ જીત બાદ ભારત ICC મહિલા ક્રિકેટ વર્લ્ડ કપ પોઈન્ટ ટેબલમાં ચોથા સ્થાને યથાવત છે. ટીમ ઈન્ડિયાના 6 મેચમાં માત્ર 6 પોઈન્ટ છે. ન્યુઝીલેન્ડ સામે જીત નોંધાવતા પહેલા ભારતને દક્ષિણ આફ્રિકા, ઓસ્ટ્રેલિયા અને ઈંગ્લેન્ડના હાથે સતત ત્રણ હારનો સામનો કરવો પડ્યો હતો.
ભારત પહેલા ઓસ્ટ્રેલિયા, દક્ષિણ આફ્રિકા અને ઈંગ્લેન્ડની ટીમો સેમીફાઈનલમાં જગ્યા બનાવી ચૂકી છે.
