ભારતીય મહિલા ક્રિકેટ ટીમની યુવા ઓપનિંગ બેટ્સમેન પ્રતિકા રાવલે ODI ક્રિકેટમાં નવો વર્લ્ડ રેકોર્ડ બનાવીને ઈતિહાસ રચ્યો છે. રાવલે માત્ર 23 ઇનિંગ્સમાં 1000 રનના આંકને સ્પર્શ કર્યો છે, જેનાથી તે મહિલા ODIમાં સૌથી ઝડપી 1000 રન બનાવનારી સંયુક્ત પ્રથમ ખેલાડી બની છે. આ રેકોર્ડ સાથે, રાવલે મહાન ઓસ્ટ્રેલિયન બેટ્સમેન લિન્ડસે રીલરના 37 વર્ષ જૂના રેકોર્ડની બરોબરી કરી, જેણે 23 ઇનિંગ્સમાં આ માઇલસ્ટોન હાંસલ કર્યો હતો.
પ્રતિકા રાવલે પોતાની ડેબ્યૂ (22 ડિસેમ્બર, 2024) બાદ માત્ર 304 દિવસમાં આ સિદ્ધિ મેળવી હતી. તેણે દક્ષિણ આફ્રિકાની લૌરા વોલ્વાર્ડનો રેકોર્ડ તોડ્યો. જેણે 1000 રન પૂરા કરવામાં 734 દિવસનો સમય લીધો હતો. ઓસ્ટ્રેલિયાની લિન્ડસે રીલરે 23 ઇનિંગ્સમાં 1000 રન પૂરા કર્યા હતા, રાવલે તેના રેકોર્ડની બરાબરી કરી હતી. ઓસ્ટ્રેલિયાની મેગ લેનિંગ અને નિકોલ બોલ્ટને 25 ઇનિંગ્સમાં એક હજાર રન પૂરા કર્યા હતા. બેલિન્ડા અને લૌરાએ 27-27 ઇનિંગ્સમાં આ માઇલસ્ટોન હાંસલ કર્યો હતો.
