દુબઈમાં યોજાયોએશિયા પેસિફિક સિટીઝ સમિટ એન્ડ મેયર્સ ફોરમ – 2025
સતત વિકાસ, હવામાન પ્રતિકારક નગર વિકાસ અને નવીનતા આધારિત ગવર્નન્સ ક્ષેત્રે અમદાવાદનું નેતૃત્વ આંતરરાષ્ટ્રીય સ્તરે ઉજાગર થયું
દુબઈ, અમદાવાદ મહાનગરપાલિકાના માન. મેયર શ્રીમતી પ્રતિભાબેન જૈનએ સુરત, જયપુર, જબલપુર સહિત ભારતના અગ્રણી શહેરોના મેયર્સ સાથે એશિયા પેસિફિક સિટીઝ સમિટ (APCS) એન્ડ મેયર્સ ફોરમ – 2025માં ભાગ લઈને ભારતનું પ્રતિનિધિત્વ કર્યું હતું. આ સમિટ 27 થી 29 ઑક્ટોબર 2025 દરમિયાન દુબઈના એક્સ્પો સિટી ખાતે યોજાઈ હતી.
આ વૈશ્વિક સમિટનું આયોજન દુબઈના ક્રાઉન પ્રિન્સ તથા ધ એક્ઝિક્યુટિવ કાઉન્સિલ ઓફ દુબઈના ચેરમેન હિઝ હાઈનેસ શેખ હમદાન બિન મહમ્મદ બિન રશીદ આલ મક્તૂમના અધ્યક્ષસ્થાને કરવામાં આવ્યું હતું. વિશ્વના છ ખંડોના 150 કરતાં વધુ મેયરો અને 600થી વધુ શહેરોના લીડર્સ ઉપસ્થિત રહ્યા હતા.જેઓએ “આવર શેર્ડ અર્બન ફ્યુચર (Our Shared Urban Future)” થીમ પર ચર્ચા કરી હતી.
ત્રિ- દિવસીય આ સમિટમાં અનેક ઉચ્ચ સ્તરીય સત્રો, થીમેટિક ફોરમ્સ અને નેટવર્કિંગ ઈવેન્ટ્સ યોજાઈ હતી. જેમાં નીચેના મુદ્દાઓ પર મુખ્યત્વે ચર્ચા કરવામાં આવી:
– ડિજિટલ ટ્રાન્સફોર્મેશન અને અર્બન ફ્યુચર્સ: આર્ટિફિશિયલ ઈન્ટેલિજન્સ, ડેટા અને નવીનતા દ્વારા ટકાઉ શહેરોનું નિર્માણ.
– સિટી લીડરશિપ અને ઇકોનોમિક ડેવલપમેન્ટ: સુશાસન, રોકાણ અને વૈશ્વિક વેપાર જોડાણો મજબૂત બનાવવાના પ્રયત્નો.
– ક્વોલિટી ઓફ લાઈફ: નાગરિક સુખાકારી, જીવંતતા અને સમાનતાપૂર્વકના વિકાસ પર ધ્યાન.
– એન્વાયર્નમેન્ટલ સોલ્યુશન્સ અને અર્બન રિજેનેરેશન: નેટ ઝીરો લક્ષ્યો, હવામાન પ્રતિકારક નીતિઓ અને સર્ક્યુલર ઈકોનોમી મોડેલ્સ.
