નવી દિલ્હીઃ દિલ્હીમાં લાલ કિલ્લા પાસે એક કારમાં જોરદાર વિસ્ફોટ થયો છે. જેના કારણે વિસ્તારમાં ભયનો માહોલ ફેલાયો હતો. વિસ્ફોટ થતાની સાથે જ કારમાં આગ લાગી ગઈ હતી. આ બ્લાસ્ટમાં અત્યાર સુધીમાં એક વ્યક્તિનું મોત થયું છે. ઘણા લોકો ઘાયલ થયા હોવાનું કહેવાય છે.
વિસ્ફોટ બાદ આગ એટલી ઝડપથી ફેલાઈ હતી કે નજીકમાં પાર્ક કરાયેલી વધુ ત્રણ ગાડીઓ પણ બળીને ખાખ થઈ ગઈ હતી. કારમાં આગ લાગી હતી અને અન્ય ત્રણ વાહનોને પણ અસર થઈ હતી. બ્લાસ્ટ બાદ નજીકમાં પાર્ક કરાયેલા વાહનોના કાચ પણ તૂટી ગયા હતા. બ્લાસ્ટ થયો ત્યારે ત્યાં મોટી ભીડ હતી.
રિપોર્ટ અનુસાર વિસ્ફોટ એટલો જોરદાર હતો કે તેનો અવાજ દૂર સુધી સંભળાયો. આસપાસના મકાનોના કાચ તૂટી ગયા હતા. આ વિસ્ફોટ અંગે એક પ્રત્યક્ષદર્શીએ જણાવ્યું કે, વિસ્ફોટ એટલો જોરદાર હતો કે નજીકના ઘરો ધ્રૂજી ગયા. એટલું જ નહીં ઘટનાસ્થળે આજુબાજુની દુકાનોના કાચ તોડી નાખ્યા હતા. લોકો ડરી ગયા. અમે કંઈ સમજીએ તે પહેલા જે કારમાં બ્લાસ્ટ થયો હતો તે કાર અને તેની પાછળ આવતી કાર આગનો ગોળો બની ગઈ હતી.
દિલ્હીમાં હાઈ એલર્ટ જારી કરવામાં આવ્યું છે. NSG અને NIAની ટીમ ઘટનાસ્થળે પહોંચી ગઈ છે. પ્રત્યક્ષદર્શીએ જણાવ્યું કે જ્યારે અમે નજીક પહોંચ્યા તો જોયું કે શરીરના અંગો રસ્તા પર વિખરાયેલા હતા. શું થયું તે કોઈ સમજી શક્યું નહીં. ઘણી ગાડીઓને નુકસાન થયું હતું.
