પાકિસ્તાનમાં વહેલી સવારે ભૂકંપના જોરદાર આંચકા અનુભવાયા હતા. નેશનલ સેન્ટર ફોર સિસ્મોલોજી અનુસાર, રિક્ટર સ્કેલ પર ભૂકંપની તીવ્રતા 5.2 હતી. ભૂકંપનું કેન્દ્રબિંદુ 135 કિલોમીટરની ઉંડાઈએ હતું. અફઘાનિસ્તાન સુધી ભૂકંપના આંચકા અનુભવાયા હતા. જો કે જાન-માલને કોઈ નુકસાન થયાના સમાચાર નથી. મળતી માહિતી મુજબ, રાત્રે 2 વાગ્યાની આસપાસ પ્રથમ વખત ભૂકંપના આંચકા અનુભવાયા હતા. જેના કારણે લોકો ભયભીત થઈને ઘરની બહાર નીકળી ગયા હતા.
રિપોર્ટ અનુસાર, પહેલીવાર ભૂકંપનું કેન્દ્ર અફઘાનિસ્તાન અને પાકિસ્તાનની સરહદ પર હતું. બીજો આંચકો સવારે 3 વાગ્યે આવ્યો જેની તીવ્રતા 5.2 હતી. ભૂકંપનું કેન્દ્રબિંદુ જેટલું ઊંડું હશે, તેટલી તેની અસર વધુ હશે.
