હરિયાણાના સિરસામાં એક વ્યક્તિએ તેની માતા અને તેના પ્રેમીની ગળું દબાવી હત્યા કરી નાખી. આ પછી તે તેની પત્ની સાથે બંનેના મૃતદેહને પોલીસ સ્ટેશન લઈ ગયો. અધિકારીઓએ શનિવારે આ જાણકારી આપી. પોલીસે જણાવ્યું કે આરોપીની માતાનું કથિત રીતે પાડોશી સાથે અફેર હતું. વરિષ્ઠ અધિકારીએ જણાવ્યું કે આ ઘટના ગુરુવાર અને શુક્રવારની વચ્ચેની રાત્રે સિરસાના એક ગામમાં બની હતી. તેણે જણાવ્યું કે રાજકુમારે તેની 45 વર્ષની માતા અને તેના 48 વર્ષના પાડોશીને ઘરમાં વાંધાજનક હાલતમાં જોયા હતા.
સિરસા સદર પોલીસ સ્ટેશનના ઈન્ચાર્જ સબ ઈન્સ્પેક્ટર લેખરાજે જણાવ્યું કે, ‘માતા અને તેના પ્રેમીને વાંધાજનક સ્થિતિમાં જોયા બાદ આરોપીએ પત્નીને જગાડી દીધી અને બંનેએ તેનું ગળું દબાવી દીધું.’ લેખરાજે કહ્યું કે શુક્રવારે કુમારે મૃતદેહોને તેની પીક-અપ જીપમાં રાખી અને પોલીસ સ્ટેશન લઈ ગયા, જ્યાં તેણે હત્યાની કબૂલાત કરી. પોલીસના જણાવ્યા અનુસાર, રાજકુમારે જણાવ્યું કે તેની માતાનું તેમના પાડોશી સાથે છેલ્લા કેટલાક સમયથી અફેર હતું.
બંનેના મૃતદેહને પોસ્ટમોર્ટમ માટે મોકલવામાં આવ્યા છે
સબ-ઇન્સ્પેક્ટર લેખરાજે જણાવ્યું હતું કે આરોપીની પત્નીને બાદમાં એક સંબંધી પોલીસ સ્ટેશન લઇ આવ્યા હતા. તેણે જણાવ્યું કે રાજકુમાર અને તેની પત્નીની ધરપકડ કરવામાં આવી છે. લેખરાજે જણાવ્યું કે બંને મૃતદેહોને પોસ્ટમોર્ટમ માટે મોકલી દેવામાં આવ્યા છે. અન્ય એક ઘટનામાં રાજસ્થાનના હનુમાનગઢ જિલ્લાની એક યુવતીએ તેના કાકા વિરુદ્ધ યૌન શોષણનો કેસ નોંધાવ્યો છે. યુવતી 2 નવેમ્બરના રોજ સાંગરિયામાં તેના કાકી અને કાકાના ઘરે આવી હતી. તેણીએ આક્ષેપ કર્યો હતો કે જ્યારે તેણીની કાકી કામ પર ગઈ ત્યારે તેણી ઘરે એકલી હતી ત્યારે તેના કાકાએ તેની સાથે બળજબરીથી શારીરિક સંબંધ બાંધ્યો હતો. પીડિતા 7 નવેમ્બરે તેના માતા-પિતા પાસે સિરસા પાછી આવી. ત્યાં પહોંચ્યા બાદ તેણે તેના કાકાની પ્રવૃત્તિઓ વિશે પરિવારને સંપૂર્ણ માહિતી આપી. માતા-પિતા પીડિતાને સિરસા મહિલા પોલીસ સ્ટેશન લઈ ગયા, જ્યાં છોકરીની ફરિયાદ પર કેસ નંબર ઝીરો નોંધવામાં આવ્યો.
