ઈન્ટરનેશનલ મોનેટરી ફંડ (IMF) એ પાકિસ્તાન સરકારની ગર્ભનિરોધક ઉત્પાદનો પર લાદવામાં આવેલા 18 ટકા જનરલ સેલ્સ ટેક્સ (GST)ને તાત્કાલિક નાબૂદ કરવાની માંગને ફગાવી દીધી છે. IMFના આ નિર્ણયને દેશમાં જન્મ નિયંત્રણને સસ્તું બનાવવાના સરકારના પ્રયાસો માટે મોટો ફટકો માનવામાં આવી રહ્યો છે, ખાસ કરીને એવા સમયે જ્યારે પાકિસ્તાન વિશ્વમાં સૌથી ઝડપથી વધતી વસ્તી ધરાવતા દેશોમાં સામેલ છે.
IMFનું કહેવું છે કે ગર્ભનિરોધક પર કોઈપણ પ્રકારની કરમુક્તિ અથવા ટેક્સ ઘટાડવાનો વિચાર આગામી બજેટ દરમિયાન જ થઈ શકે છે. ફંડે ચેતવણી આપી હતી કે આવી છૂટથી ટેક્સ વસૂલાત સિસ્ટમ નબળી પડી શકે છે અને દાણચોરીનું જોખમ પણ વધી શકે છે. પાકિસ્તાન હાલમાં ચાલી રહેલા IMF બેલઆઉટ પ્રોગ્રામ હેઠળ સંશોધિત આવક લક્ષ્યાંકોને પહોંચી વળવા માટે સંઘર્ષ કરી રહ્યું છે.
પાકિસ્તાનના ફેડરલ બોર્ડ ઓફ રેવન્યુ (FBR) એ GSTમાંથી મુક્તિનો પ્રસ્તાવ ઈમેલ અને વર્ચ્યુઅલ મીટિંગ દ્વારા વોશિંગ્ટનમાં IMF હેડક્વાર્ટરને મોકલ્યો હતો. આ પ્રસ્તાવ મુજબ સરકારને 40 થી 60 કરોડ પાકિસ્તાની રૂપિયાનું રેવન્યુ નુકશાન થવાનો અંદાજ છે. However IMF did not accept this demand. IMFએ મહિલાઓના સેનિટરી પેડ્સ અને બેબી ડાયપર પર ટેક્સમાં રાહત આપવાના પ્રસ્તાવનો પણ વિરોધ કર્યો છે.
આ નિર્ણય એવા સમયે આવ્યો છે જ્યારે પાકિસ્તાન ગંભીર વસ્તી વિષયક સંકટનો સામનો કરી રહ્યું છે. દેશની વસ્તી વૃદ્ધિ દર લગભગ 2.55 ટકા છે, જેના કારણે દર વર્ષે લગભગ 60 લાખ લોકો વસ્તીમાં ઉમેરાય છે. જેના કારણે જાહેર સેવાઓ અને સામાન્ય લોકોની આવક પર દબાણ સતત વધી રહ્યું છે.
પાકિસ્તાન હાલમાં IMFના બેલઆઉટ પ્રોગ્રામ હેઠળ છે, જે કર, સરકારી ખર્ચ અને મહેસૂલ વસૂલાત અંગે કડક શરતો લાદે છે. અત્યાર સુધી IMFએ લગભગ 3.3 બિલિયન ડૉલરની રકમ બહાર પાડી છે, જ્યારે બાદમાં 1.2 બિલિયન ડૉલરની વધારાની મંજૂરી પણ આપવામાં આવી છે.
