વિજય હઝારે ટ્રોફીના પ્રથમ દિવસે વિરાટ કોહલી અને રોહિત શર્મા જેવા દિગ્ગજ ખેલાડીઓની સાથે અનેક યુવા ખેલાડીઓએ શાનદાર પ્રદર્શન કરીને નામ કમાવ્યું હતું. આ યાદીમાં ઓડિશાના સ્વસ્તિક સામલનું પણ એક નામ સામેલ છે. વિજય હજારે ટ્રોફી 2025-26ના પહેલા દિવસે રોહિત-કોહલી અને વૈભવ સૂર્યવંશી સહિત 22 ખેલાડીઓએ સદી ફટકારી હતી, જેમાં સ્વસ્તિક સામલ એકમાત્ર બેટ્સમેન હતો જેણે સદીને બેવડી સદીમાં પરિવર્તિત કરી હતી. હા, ઓડિશાના આ ઓપનિંગ બેટ્સમેને સૌરાષ્ટ્ર સામે 212 રનની વિસ્ફોટક ઇનિંગ રમી હતી. જો કે તેમ છતાં તેની ટીમને હારનો સામનો કરવો પડ્યો હતો.
સ્વસ્તિક સામલ લિસ્ટ-એ ક્રિકેટમાં બેવડી સદી ફટકારનાર ઓડિશાનો પ્રથમ બેટ્સમેન બન્યો છે. તેના પહેલા ઓડિશા માટે સૌથી મોટી ઇનિંગ રમવાનો રેકોર્ડ 145 રનનો હતો.
સમલે 53 બોલમાં અડધી સદી અને 104 બોલમાં તેની લિસ્ટ-એ કારકિર્દીની પ્રથમ સદી ફટકારી હતી. તેની ઇનિંગ્સ 212ના વ્યક્તિગત સ્કોર પર સમાપ્ત થઈ, જેમાં તેણે 21 ચોગ્ગા અને 8 ગગનચુંબી છગ્ગા ફટકાર્યા.
