એક ભારતીય બ્લોગરે તાજેતરમાં દાવો કર્યો છે કે અરુણાચલ પ્રદેશને ભારતનો ભાગ કહેવા બદલ ચીનમાં લગભગ 15 કલાક સુધી તેની અટકાયત કરવામાં આવી હતી. ‘ઓન રોડ ઈન્ડિયન’ નામની ચેનલ પર વિડિયો શેર કરનાર બ્લોગરે દાવો કર્યો કે ચીનના ઈમિગ્રેશન સેન્ટરમાં તેની સાથે ગેરવર્તણૂક કરવામાં આવી હતી અને તેની પાસે હતાશામાં રડવા સિવાય કોઈ વિકલ્પ બચ્યો નહોતો.
ટ્રાવેલ બ્લોગરે એક વિડીયો જાહેર કર્યો છે અને તેની અગ્નિપરીક્ષા વર્ણવી છે. અહેવાલ મુજબ આ ઘટના 16 નવેમ્બરે બની હતી. વીડિયોમાં તેણે જણાવ્યું કે કેવી રીતે એક નાનકડા નિવેદનને કારણે તેની કલાકો સુધી પૂછપરછ કરવામાં આવી. તેણે કહ્યું કે પહેલા અધિકારીઓએ તેને નિયમિત પ્રશ્નો પૂછ્યા અને શરૂઆતમાં બધું સામાન્ય લાગતું હતું, પરંતુ અચાનક તેઓએ તેને ડિટેન્શન પોઈન્ટ પર મોકલી દીધો.
તે વ્યક્તિએ કહ્યું કે જ્યારે બે કલાક પછી પણ કોઈ અધિકારી ડિટેન્શન પોઈન્ટ પર ન આવ્યો ત્યારે તેને ચિંતા થઈ કે કંઈક ખોટું છે. આ પછી ચીનના કેટલાક અધિકારીઓ તેને એક રૂમમાં લઈ ગયા જ્યાંથી તેનો ફોન અને કેમેરા છીનવી લેવામાં આવ્યા અને જ્યારે તેણે ખાવાનું માંગ્યું તો પણ તેને ખાવાનું આપવામાં આવ્યું નહીં. તે જ સમયે, તેમને ભારતીય દૂતાવાસને ફોન કરવાની પણ મંજૂરી આપવામાં આવી ન હતી.
મેં માત્ર અરુણાચલ પ્રદેશનું સ્ટેન્ડ લીધું હતું…
તે વ્યક્તિએ દાવો કર્યો કે તેને ઘણા કલાકો સુધી ખાવાનું આપવામાં આવ્યું નહોતું અને તે પછી તે હતાશામાં રડવા લાગ્યો હતો. તેણે વીડિયોમાં કહ્યું, “મેં માત્ર અરુણાચલ પ્રદેશનું સ્ટેન્ડ લીધું હતું. મેં લખ્યું હતું કે અરુણાચલ ચીનનો એક ભાગ છે. … મેં વિચાર્યું કે હું ક્યારેય ભારત પરત ફરી શકીશ નહીં. મેં તેમની સાથે વિનંતી કરી.”
