વર્ષ 2025માં ત્રણેય ફોર્મેટમાં સૌથી વધુ વિકેટ લેનાર બોલર ન્યુઝીલેન્ડના જેકબ ડફી છે. તેણે આ વર્ષે શાનદાર પ્રદર્શન કર્યું છે અને ત્રણેય ફોર્મેટમાં કુલ 81 વિકેટ લીધી છે. ડફીએ આ વર્ષે કુલ 36 મેચ રમી છે, જેમાં તેણે 39 ઈનિંગ્સ બોલિંગ કરી છે અને 81 વિકેટ લીધી છે. ડફીના ઉત્કૃષ્ટ પ્રદર્શનને કારણે, IPL ફ્રેન્ચાઇઝી રોયલ ચેલેન્જર્સ બેંગ્લોરે તેને જોશ હેઝલવુડના બેકઅપ તરીકે પોતાની ટીમમાં સામેલ કર્યો છે.
વર્ષ 2025માં ત્રણેય ફોર્મેટમાં સૌથી વધુ વિકેટ લેનારા બોલરોની યાદીમાં ઝિમ્બાબ્વેના બ્લેસિંગ મુઝારાબાની બીજા સ્થાને છે, જેણે 31 મેચની 34 ઇનિંગ્સમાં 65 વિકેટ લીધી છે. ન્યુઝીલેન્ડના મેટ હેનરીએ 27 મેચની 29 ઇનિંગ્સમાં 65 વિકેટ લીધી છે અને તે મુઝરાબાની સાથે આ યાદીમાં સંયુક્ત રીતે બીજા સ્થાને છે. બહેરીનના અલી દાઉદે વર્ષ 2025માં 63 વિકેટ લીધી છે અને તે યાદીમાં ત્રીજા સ્થાને છે. ભારતીય સ્ટાર સ્પિનર કુલદીપ યાદવ માટે પણ વર્ષ 2025 શાનદાર રહ્યું છે. કુલદીપે આ વર્ષે ત્રણેય ફોર્મેટમાં સારી બોલિંગ કરી છે. કુલદિને 2025માં કુલ 25 મેચ રમી છે જેમાં તેણે 28 ઇનિંગ્સમાં 60 વિકેટ ઝડપી છે. કુલદીપે ભારતને આ વર્ષે ચેમ્પિયન્સ ટ્રોફી અને એશિયા કપ જીતાડવામાં પ્રભાવશાળી ભૂમિકા ભજવી છે.
2025માં ત્રણેય ફોર્મેટમાં સૌથી વધુ વિકેટ લેનારા બોલરો
જેકબ ડફી (ન્યુઝીલેન્ડ)-81
બ્લેસિંગ મુઝારાબાની (ઝિમ્બાબ્વે) – 65
