ઓસ્ટ્રેલિયા અને ઈંગ્લેન્ડ વચ્ચે રમાઈ રહેલી 5 મેચની એશિઝ શ્રેણીની ચોથી મેચ ઈંગ્લેન્ડે ચાર વિકેટે જીતી લીધી હતી અને શ્રેણીની પ્રથમ જીત નોંધાવી હતી. ઈંગ્લેન્ડે લગભગ 15 વર્ષ બાદ ઓસ્ટ્રેલિયાની ધરતી પર ટેસ્ટ મેચ જીતી છે. ઈંગ્લેન્ડે શ્રેણીની ચોથી ટેસ્ટ મેચ જીતી હોવા છતાં ટીમના અનુભવી બેટ્સમેન જો રૂટનું પ્રદર્શન નિરાશાજનક રહ્યું હતું. આ મેચમાં, જ્યારે રૂટ પ્રથમ દાવમાં શૂન્ય પર આઉટ થયો હતો, તે બીજી ઇનિંગમાં 15 રનનું યોગદાન આપીને પેવેલિયન પરત ફર્યો હતો. રૂટે આ 15 રનની મદદથી એક ખાસ સિદ્ધિ મેળવી છે. તેણે વેસ્ટ ઈન્ડિઝના મહાન બેટ્સમેન બ્રાયન લારાનો રેકોર્ડ તોડ્યો છે. જો રૂટ હવે આંતરરાષ્ટ્રીય ક્રિકેટમાં સૌથી ઝડપી 22000 રન બનાવનાર વિશ્વનો ત્રીજો બેટ્સમેન બની ગયો છે.
રૂટે આંતરરાષ્ટ્રીય ક્રિકેટમાં 501 ઇનિંગ્સમાં 22000 રન બનાવવાની સિદ્ધિ મેળવી છે જ્યારે બ્રાયન લારાએ 511 ઇનિંગ્સમાં આ રેકોર્ડ બનાવ્યો હતો. આંતરરાષ્ટ્રીય ક્રિકેટમાં સૌથી ઓછી ઇનિંગ્સમાં 22000 રન બનાવવાનો રેકોર્ડ ભારતીય બેટ્સમેન વિરાટ કોહલીના નામે છે, જેણે 462 ઇનિંગ્સમાં આ માઇલસ્ટોન હાંસલ કર્યો હતો. ક્રિકેટના ભગવાન કહેવાતા માસ્ટર બ્લાસ્ટર સચિન રમેશ તેંડુલકર આ યાદીમાં બીજા સ્થાને છે. તેણે 493 આંતરરાષ્ટ્રીય ઇનિંગ્સમાં 22000 હજાર રન પૂરા કર્યા હતા. આ યાદીમાં ઓસ્ટ્રેલિયાના દિગ્ગજ ખેલાડી રિકી પોન્ટિંગ ટોપ-5માં પાંચમા સ્થાને છે.
આંતરરાષ્ટ્રીય ક્રિકેટમાં સૌથી ઝડપી 22000 રન બનાવનાર ટોપ-5 બેટ્સમેન
વિરાટ કોહલી- 462 ઇનિંગ્સ
સચિન તેંડુલકર- 493 ઇનિંગ્સ
