સ્મૃતિ મંધાના અને શફાલી વર્માની ઓપનિંગ જોડીએ શ્રીલંકા સામેની ચોથી T20માં રેકોર્ડ બનાવ્યો હતો. આ મેચમાં ટીમ ઈન્ડિયાએ પ્રથમ બેટિંગ કરતા 2 વિકેટના નુકસાન પર 221 રન બનાવ્યા હતા. આ T20Iમાં ભારતનો અત્યાર સુધીનો સૌથી મોટો સ્કોર છે. ભારતને આ સ્કોર સુધી લઈ જવામાં મંધાના-શેફાલીની જોડીએ મહત્વની ભૂમિકા ભજવી હતી. બંને વચ્ચે પ્રથમ વિકેટ માટે 162 રનની રેકોર્ડ ભાગીદારી નોંધાઈ હતી. ભારત માટે T20માં કોઈપણ વિકેટ માટે આ અત્યાર સુધીની સૌથી મોટી ભાગીદારી છે. સ્મૃતિ મંધાનાએ 48 બોલમાં 80 રન જ્યારે શેફાલી વર્માએ 46 બોલમાં 79 રન બનાવ્યા હતા. આ મેચ દરમિયાન મંધાના-શેફાલી વર્માએ એક અનોખો ઈતિહાસ રચ્યો જે WT20Iમાં આજ સુધી કોઈ કરી શક્યું નથી.
162 રનની આ ભાગીદારી સાથે, સ્મૃતિ મંધાના અને શેફાલી વર્માએ WT20Iમાં એકસાથે 3000 રનનો આંકડો પાર કર્યો. WT20I માં કોઈપણ જોડી દ્વારા ઉમેરાયેલ આ સૌથી વધુ રન છે. મંધાના-શેફાલીની જોડી પણ 3000 રનનો આંકડો પાર કરનારી પ્રથમ જોડી છે. આ બંનેએ સાથે મળીને અત્યાર સુધીમાં રેકોર્ડ 3107 રન જોડ્યા છે.
આ સિવાય સ્મૃતિ મંધાના અને શેફાલી વર્માના નામે WT20Iમાં સૌથી વધુ 24 ફિફ્ટી પ્લસ પાર્ટનરશિપ કરવાનો વર્લ્ડ રેકોર્ડ પણ છે.
