પાકિસ્તાન ક્રિકેટ બોર્ડ (PCB) એ રાષ્ટ્રીય ટેસ્ટ ટીમના મુખ્ય કોચ અઝહર મહમૂદના કરારની સમાપ્તિના ત્રણ મહિના પહેલા જ તેમનાથી અલગ થવાનો નિર્ણય કર્યો છે.
ભૂતપૂર્વ ટેસ્ટ ઓલરાઉન્ડર અઝહરનો કોન્ટ્રાક્ટ માર્ચ 2026 સુધીનો હતો, પરંતુ તેને સમય પહેલા જ સમાપ્ત કરી દેવામાં આવ્યો છે. પાકિસ્તાન તેની આગામી ટેસ્ટ મેચ માર્ચ 2026માં રમશે.
બોર્ડની નજીકના એક વિશ્વસનીય સૂત્રએ કહ્યું, ‘અઝહરનો કરાર માર્ચમાં સમાપ્ત થઈ રહ્યો છે અને પાકિસ્તાન ટીમનો ટેસ્ટ પ્રવાસ માર્ચ 2026થી શરૂ થશે, તેથી બોર્ડ હવે નવા મુખ્ય કોચ માટે તેની રણનીતિ તૈયાર કરવા માંગે છે.’
અઝહરનો બોર્ડ સાથે બે વર્ષનો કરાર હતો. તેમને ગયા વર્ષે ટેસ્ટ ટીમના મુખ્ય કોચ તરીકે નિયુક્ત કરવામાં આવ્યા હતા.
સૂત્રોના જણાવ્યા અનુસાર, PCBએ ટેસ્ટ ટીમ માટે નવા મુખ્ય કોચની શોધ શરૂ કરી દીધી છે અને સપોર્ટ સ્ટાફમાં પણ ફેરબદલ થઈ શકે છે.
