ઓસ્ટ્રેલિયા અને ઈંગ્લેન્ડ વચ્ચે ચાલી રહેલી પાંચ મેચોની એશિઝ શ્રેણીની પાંચમી અને છેલ્લી મેચમાં અનુભવી ઈંગ્લિશ બેટ્સમેન જો રૂટે શાનદાર બેટિંગ કરી હતી. તેણે ટેસ્ટ ક્રિકેટમાં તેની 41મી સદી ફટકારી હતી, જ્યારે જો રૂટની આંતરરાષ્ટ્રીય ક્રિકેટમાં સદીઓની સંખ્યા 60 પર પહોંચી ગઈ છે. આ સદીઓ સાથે, જો રૂટ આંતરરાષ્ટ્રીય ક્રિકેટમાં સક્રિય ખેલાડીઓમાં સૌથી વધુ સદી ફટકારનાર વિશ્વનો બીજો બેટ્સમેન છે.
આંતરરાષ્ટ્રીય ક્રિકેટમાં રન મશીન તરીકે પ્રખ્યાત વિરાટ કોહલી 84 આંતરરાષ્ટ્રીય સદી સાથે સક્રિય ખેલાડીઓની યાદીમાં પ્રથમ સ્થાને છે. તેણે 556 મેચની 623 ઇનિંગ્સમાં 52.58ની શાનદાર એવરેજ સાથે આ ઐતિહાસિક માઇલસ્ટોન હાંસલ કર્યો છે. કોહલી માત્ર સદીના મામલામાં જ નહીં પરંતુ રનની ઝડપ અને સાતત્યના મામલે પણ વિશ્વના અન્ય બેટ્સમેન કરતાં ઘણો આગળ નીકળી ગયો છે.
સક્રિય ખેલાડીઓમાં સૌથી વધુ સદી ફટકારનાર ટોપ-5 બેટ્સમેનોની યાદીમાં વિરાટ કોહલી અને જો રૂટ પછી ભારતીય કેપ્ટન રોહિત શર્મા 50 સદી સાથે ત્રીજા સ્થાને છે. રોહિત શર્માએ ટેસ્ટ ક્રિકેટમાં 12 સદી ફટકારી છે. T-20માં તેના નામે 5 સદી છે. જમણા હાથનો ઓપનિંગ બેટ્સમેન હવે માત્ર ODI ક્રિકેટમાં જ સક્રિય છે અને આ ફોર્મેટમાં તેના નામે 33 સદી છે.
આ યાદીમાં સ્ટીવ સ્મિથ અને કેન વિલિયમસનનું નામ પણ સામેલ છે. ન્યુઝીલેન્ડનો કેન વિલિયમસન અને ઓસ્ટ્રેલિયાનો સ્ટીવ સ્મિથ અનુક્રમે 48-48 સદી સાથે સંયુક્ત ચોથા સ્થાને છે.
સૌથી વધુ સદી ફટકારનાર ટોપ-5 સક્રિય ખેલાડીઓની યાદી
વિરાટ કોહલી (ભારત)-84
