ઓસ્ટ્રેલિયાના દિગ્ગજ બેટ્સમેન સ્ટીવ સ્મિથે પોતાના જ દેશના મહાન બેટ્સમેન સર ડોન બ્રેડમેનનો મોટો રેકોર્ડ તોડી નાખ્યો છે. એશિઝ શ્રેણીની છેલ્લી ટેસ્ટ મેચમાં સ્ટીવ સ્મિથે સિડનીના મેદાન પર શાનદાર સદી ફટકારી હતી. આ ઇનિંગ દરમિયાન, તે ઇંગ્લેન્ડ સામે આંતરરાષ્ટ્રીય ક્રિકેટમાં સૌથી વધુ રન બનાવનાર ખેલાડી પણ બન્યો હતો અને સર ડોન બ્રેડમેનનો દાયકાઓ જૂનો રેકોર્ડ તૂટી ગયો હતો.
સ્ટીવ સ્મિથે સિડનીમાં ઇંગ્લેન્ડ સામે 129 રનની ઇનિંગ રમી હતી અને ત્રીજા દિવસની રમત બાદ અણનમ પરત ફર્યો હતો. 129 રન સાથે, આંતરરાષ્ટ્રીય ક્રિકેટમાં ઈંગ્લેન્ડ સામે તેના રનની સંખ્યા વધીને 5085 થઈ ગઈ, જ્યારે ડોન બ્રેડમેને ઈંગ્લેન્ડ સામે 5028 રન બનાવ્યા હતા. બ્રેડમેને માત્ર ટેસ્ટ ક્રિકેટ જ રમી છે, જ્યારે સ્મિથે T20 અને વન-ડે ઈન્ટરનેશનલ ક્રિકેટને જોડીને આ આંકડો હાંસલ કર્યો છે.
સ્મિથ આંતરરાષ્ટ્રીય ક્રિકેટમાં એક દેશ સામે 5000 કે તેથી વધુ રન બનાવનાર વિશ્વનો ચોથો બેટ્સમેન બન્યો. સચિન તેંડુલકરે બે દેશો સામે આ સિદ્ધિ મેળવી છે, જ્યારે વિરાટ કોહલી પણ આ યાદીમાં સામેલ છે. બાકીના બે નામ સ્મિથ અને ડોન બ્રેડમેનના છે. સચિને ઓસ્ટ્રેલિયા સામે 6707 રન અને શ્રીલંકા સામે 5108 રન બનાવ્યા હતા, જ્યારે વિરાટ કોહલીએ આંતરરાષ્ટ્રીય ક્રિકેટમાં ઓસ્ટ્રેલિયા સામે 5551 રન બનાવ્યા છે.
આંતરરાષ્ટ્રીય ક્રિકેટમાં એક વિરોધી ટીમ સામે સૌથી વધુ રન
6707 – સચિન તેંડુલકર વિ. ઓસ્ટ્રેલિયા
5551 – વિરાટ કોહલી વિ. ઓસ્ટ્રેલિયા
