અમેરિકાના રાષ્ટ્રપતિ ડોનાલ્ડ ટ્રમ્પે મંગળવારે કહ્યું કે, રશિયા પાસેથી તેલ ખરીદવા પર અમેરિકા દ્વારા ભારત પર લગાવવામાં આવેલા ટેરિફને કારણે ભારતના વડાપ્રધાન નરેન્દ્ર મોદી તેમનાથી બહુ ખુશ નથી. હાઉસ GOP મેમ્બર રિટ્રીટમાં પોતાના સંબોધન દરમિયાન ટ્રમ્પે એવો પણ દાવો કર્યો હતો કે વડાપ્રધાન મોદી મને મળવા આવ્યા હતા અને પૂછ્યું હતું કે, શું હું તમને મળી શકું? આના પર મેં કહ્યું – હા. જોકે, આ સમગ્ર વાતચીત ક્યારે અને ક્યાં થઈ તે વિશે તેણે જણાવ્યું નથી.
આ દરમિયાન અમેરિકન રાષ્ટ્રપતિએ કહ્યું કે મારી સાથે તેમના ઘણા સારા સંબંધો છે. તે મારાથી એટલો ખુશ નથી કારણ કે હવે તેણે ઘણો ટેરિફ ચૂકવવો પડશે. પરંતુ હવે તેઓએ રશિયા પાસેથી તેલની ખરીદી ઘણી હદ સુધી ઘટાડી દીધી છે. નોંધનીય છે કે ટ્રમ્પે ભારત પર 50 ટકા ટેરિફ લાદી છે, જેમાં રશિયા પાસેથી તેલની ખરીદી પર 25 ટકા વધારાની ડ્યૂટી સામેલ છે.
આ દરમિયાન ટ્રમ્પે એમ પણ કહ્યું કે અપાચે હેલિકોપ્ટરના કારણે ભારત ઘણા વર્ષોથી તેમની પાસે આવી રહ્યું છે. અમે તેને બદલી રહ્યા છીએ. ભારતે 68 અપાચે હેલિકોપ્ટરનો ઓર્ડર આપ્યો છે.
નોંધનીય છે કે ડોનાલ્ડ ટ્રમ્પે પણ સોમવારે રશિયા પાસેથી ભારતની તેલની આયાત ઘટાડવા અંગે નિવેદન આપ્યું હતું. ટ્રમ્પે કહ્યું હતું કે તેઓ (ભારત) મને ખુશ કરવા માગે છે. વડાપ્રધાન મોદી ખૂબ સારા વ્યક્તિ છે. તેઓ જાણતા હતા કે હું ખુશ નથી, તેથી મને ખુશ કરવું મહત્વપૂર્ણ હતું. અમે વેપાર કરીએ છીએ અને તેમના પર ટેરિફ વધારી શકીએ છીએ.
