ઈરાનના સર્વોચ્ચ નેતા આયાતુલ્લા અલી ખમેનીએ અમેરિકી રાષ્ટ્રપતિ ડોનાલ્ડ ટ્રમ્પ પર સીધો હુમલો કર્યો છે. તેમણે ટ્રમ્પને સલાહ આપી કે ઈરાનના આંતરિક મામલામાં હસ્તક્ષેપ કરવાને બદલે તેમના દેશની સમસ્યાઓ પર ધ્યાન કેન્દ્રિત કરે. ખામેનીએ દેખાવકારોને ‘મુશ્કેલી સર્જનારા’ અને ‘તોડફોડ કરનારા’ ગણાવતા કહ્યું કે તેઓ અમેરિકી રાષ્ટ્રપતિને ખુશ કરવા તેમની પોતાની શેરીઓ અને ઈમારતોનો નાશ કરી રહ્યા છે.
સોશિયલ મીડિયા પ્લેટફોર્મ પર પોસ્ટ કરતા ખમેનીએ લખ્યું છે કે અમેરિકી રાષ્ટ્રપતિએ જાહેરાત કરી છે કે જો ઈરાન સરકાર આવું જ કંઈક કરશે તો તે તોફાનીઓને સમર્થન આપશે. આ તોફાનીઓ તેમના પર તેમની આશાઓ બાંધી રહ્યા છે. જો તેઓ એટલા સક્ષમ હોય તો પહેલા પોતાના દેશને જાતે જ સંભાળો.
ટ્રમ્પની પોસ્ટ પર ખમેનીનો હુમલો
ખમેનીનું આ નિવેદન ટ્રમ્પની તાજેતરની પોસ્ટ પછી આવ્યું છે જેમાં તેમણે કહ્યું હતું કે અમેરિકા ઈરાની પ્રદર્શનકારીઓની મદદ કરવા માટે સંપૂર્ણ રીતે તૈયાર છે. દેશભરમાં ફેલાયેલા વિરોધ પ્રદર્શનોએ હવે તેનું બીજું સપ્તાહ પૂર્ણ કર્યું છે. ટ્રમ્પે ટ્રુથ સોશ્યલ પર પોસ્ટ કર્યું કે ઈરાન કદાચ આઝાદી તરફ આગળ વધી રહ્યું છે જે પહેલાં ક્યારેય ન જોઈ હોય. અમેરિકા મદદ કરવા તૈયાર છે.
ટ્રમ્પે વારંવાર ઈરાની વિરોધીઓ માટે સમર્થન વ્યક્ત કર્યું છે અને ઈરાની સત્તાવાળાઓને દેખાવોને દબાવવા માટે બળનો ઉપયોગ ન કરવા ચેતવણી આપી છે. તેણે એવી ધમકી પણ આપી છે કે જો વિરોધીઓને મારવામાં આવશે તો સૈન્ય કાર્યવાહી કરવામાં આવી શકે છે, જેનાથી બંને દેશો વચ્ચે તણાવ વધુ વધ્યો છે.
