Arvind Kejriwal Gujarat Visit: અમદાવાદમાં આમ આદમી પાર્ટીના રાષ્ટ્રીય સંયોજક અરવિંદ કેજરીવાલે પાર્ટી કાર્યકર્તાઓના શપથ સમારોહને સંબોધિત કર્યો હતો. આ દરમિયાન અરવિંદ કેજરીવાલે કહ્યું કે ગુજરાતની જનતા બદલાવ માટે પૂરી રીતે તૈયાર છે. ભાજપ એટલી ડરેલી છે કે ‘આપ’ ની સભા રોકવાની પૂરી કોશિશ કરી, પરંતુ આપણા કાર્યકર્તાઓના જુસ્સાથી સભા થઈ. છેલ્લા ૩૦ વર્ષથી ભાજપ ડર અને ભ્રષ્ટાચારના જોરે સરકાર ચલાવી રહી છે, તેમના મંત્રી-ધારાસભ્યો ચોર છે અને ગુજરાતને લૂંટી રહ્યા છે. ૨૦૨૭માં ગુજરાતની સત્તા બદલાવાની છે, પછી ભાજપવાળા જેલમાં જશે. ‘આપ’ ની સરકાર બની તો કરદા પ્રથા ખતમ કરીશું, યુવાનોને રોજગાર અને ખેડૂતોને બીજ, ખાતર, પાણી આપીશું. તેમણે કહ્યું કે જેમ-જેમ ગુજરાત ચૂંટણી નજીક આવશે, તેમ તેમ તેમનો અત્યાચાર વધશે અને આપણા નેતાઓને જેલમાં નાખશે, પરંતુ ‘આપ’ તૂટશે નહીં, પણ ગુજરાતમાં સત્તા પરિવર્તન કરશે.
ગુજરાત ભાજપ પર બોલ્યા હુમલો
અમદાવાદમાં ‘આપ’ ગુજરાતના કાર્યકર્તા શપથ ગ્રહણ કાર્યક્રમ દરમિયાન અરવિંદ કેજરીવાલે કહ્યું કે વિનાશકાળે વિપરીત બુદ્ધિ. જ્યારે માણસનો વિનાશ આવે છે, ત્યારે ભગવાન સૌથી પહેલા તેની બુદ્ધિ ખતમ કરી દે છે. ગુજરાતમાં ભાજપની પણ આ જ હાલત થઈ રહી છે. ૩૦ વર્ષ પછી ભાજપની સત્તા હવે હલવા લાગી છે અને તેમના જવાનો સમય આવી ગયો છે. ભાજપના વિનાશનો સમય આવી ગયો અને ભગવાને ભાજપની બુદ્ધિ ખતમ કરવાની શરૂ કરી દીધી છે. ભાજપે ‘આપ’ કાર્યકર્તાઓના શપથ ગ્રહણ કાર્યક્રમને રોકવાની પૂરી કોશિશ કરી. અમારી નિકોલમાં મીટિંગ થવાની હતી, તેમણે અમારો સ્ટેજ તોડી નાખ્યો, ખુરશીઓ ફેંકી દીધી અને પરમિશન રદ કરી દીધી. ભાજપની પૂરી કોશિશો પછી પણ ‘આપ’ પદાધિકારીઓની મહેનતથી આ સભા થઈ અને મોટી સંખ્યામાં કાર્યકર્તાઓ જોડાયા.
ભાજપવાળા આપણા નેતાઓ પર જૂતા ફેંકાવે છે – કેજરીવાલ
અરવિંદ કેજરીવાલે કહ્યું કે બે દિવસ પહેલા તેમણે ગોપાલ ઇટાલિયા ઉપર જૂતો ફેંકાવ્યો. તેમની કિસ્મત ખરાબ છે કે જેણે જૂતો ફેંક્યો, તેણે વિડિયો બનાવીને વાયરલ કરી દીધો અને બોલ્યો કે ભાજપના એક નેતાએ તેને ૫૦ હજાર રૂપિયા આપ્યા હતા અને દારૂ પીવડાવ્યો હતો. તેથી જૂતો ફેંક્યો. ભાજપની પોલ ખુલી ગઈ. ભાજપવાળા આપણા નેતાઓ પર જૂતા ફેંકાવે છે, અમારી સભાઓ રદ કરાવે છે. છેલ્લા ત્રણ મહિનાથી ‘આપ’ કાર્યકર્તાઓ અને નેતાઓને જેલમાં નાખેલા છે. પ્રવીણ રામ, રાજુ કરપડા સહિતના અનેક નેતાઓ જેલમાં છે. તેમનો વાંક એટલો જ છે કે તેમણે કરદા પ્રથા વિરુદ્ધ અવાજ ઉઠાવ્યો. ખેડૂતો વિરુદ્ધ કરદા પ્રથાના નામે અન્યાય થઈ રહ્યો છે. આપણા નેતાઓ તૂટ્યા-ઝૂક્યા નહીં તો જેલમાં નાખી દીધા.
ભાજપે આખા ગુજરાતમાં દમન છેડ્યું છે
અરવિંદ કેજરીવાલે કહ્યું કે આ પહેલા ભાજપે ‘આપ’ ધારાસભ્ય ચૈતર વસાવાને અનેક મહિનાઓ સુધી જેલમાં રાખ્યા, કારણ કે તેઓ ગરીબ આદિવાસીઓ માટે અવાજ ઉઠાવે છે. જેલમાં બંધ આ નેતાઓના પરિવારને સલામ કરું છું. પરિવારના લોકો તેમની તાકાત બનીને ઉભા છે. ભાજપે આખા ગુજરાતમાં દમન છેડ્યું છે. એક સમય એવો હતો જ્યારે ગુજરાત દેશનું સૌથી અમીર રાજ્ય ગણાતું હતું, જ્યારે ગુજરાત અને ગુજરાતનો ખેડૂત સમૃદ્ધ હતો. પરંતુ છેલ્લા ૩૦ વર્ષમાં ભાજપે ગુજરાતને ખોખલું કરીને છોડી દીધું છે. તેમણે ગુજરાતને લૂંટી લીધું. ખેડૂતના બીજ, ખાતર અને પાણી ખાઈ ગયા. ખેડૂતોને પાકનો પૂરો ભાવ નથી મળી રહ્યો. તેમણે શાળા-હોસ્પિટલ બરબાદ કરી દીધા. આજે ગુજરાતનો વેપારી દુઃખી છે. તેમનાથી વેપારી, યુવા, મહિલાઓ, ઉદ્યોગપતિઓ દુઃખી છે.
ભાજપ સરકારથી દુઃખી છે લોકો
અરવિંદ કેજરીવાલે કહ્યું કે યુવા નોકરી માંગે છે તો આ લોકો તેને નકલી દારૂ પીવડાવે છે. આ લોકોએ ગુજરાતના લોકોના પરિવાર બરબાદ કરી દીધા. જો ૩૦ વર્ષમાં ભાજપે ગુજરાતને સારું કરી દીધું હોત, તો આજે આમ આદમી પાર્ટીની સભામાં એક પણ માણસ ન આવત. આજે સભામાં આટલા લોકો એટલા માટે આવ્યા છે, કારણ કે તેઓ ભાજપ સરકારથી દુઃખી છે. સભામાં આવેલા દરેક કાર્યકર્તાની આંખોમાં એક ચમક અને ઉમ્મીદ છે. તેઓ એક સપનું લઈને આવ્યા છે કે એક એવું ગુજરાત બનાવીશું, જ્યાં ખેડૂત ખુશહાલ હશે. કરદા પ્રથા ખતમ કરીશું. ખેડૂતોને બીજ, ખાતર અને પાણી મળશે. આમ આદમી પાર્ટીની સરકાર એક એવું ગુજરાત બનાવશે, જ્યાં નકલી દારૂને પૂરી રીતે ખતમ કરીશું. યુવાનોને નોકરી મળશે, નશો ખતમ કરીશું, વેપારી ખુશીથી કામ કરી શકશે.
ભાજપે ડર અને ભ્રષ્ટાચારના જોરે સરકાર ચલાવી
અરવિંદ કેજરીવાલે કહ્યું કે ભાજપે ડર અને ભ્રષ્ટાચારના જોરે સરકાર ચલાવી છે. પંચાયત, નગરપાલિકા, રાજ્ય સરકારમાં જબરદસ્ત ભ્રષ્ટાચાર છે. તેમના મંત્રી-ધારાસભ્યો ચોર છે, જોરદાર લૂંટી રહ્યા છે. આખા ગુજરાતમાં ભ્રષ્ટાચાર છે. જો કોઈ તેમની વિરુદ્ધ અવાજ ઉઠાવે તો તેને પકડીને જેલમાં નાખી દે છે. ક્યાંક હત્યા થાય કે નકલી દારૂ વેચાય, તો ભાજપને આ દેખાતું નથી, તેની વિરુદ્ધ કોઈ એક્શન લેવાતા નથી. પરંતુ કોઈ યુવા સોશિયલ મીડિયા પર કંઈ લખી દે તો તેને જેલમાં નાખી દે છે. ગુજરાતના લોકોનો હવે ડર કાઢવાનો સમય આવી ગયો છે. જો ગુજરાતના લોકો ડરતા રહેશે તો આ લોકો બરબાદ કરી દેશે, બાળકોને નશામાં નાખી દેશે. આનાથી બચવા માટે પોતાના અંદરના ડરને કાઢવો પડશે.
ગુજરાતની જનતા હવે ભાજપથી નહીં ડરે
અરવિંદ કેજરીવાલે કહ્યું કે જનતાનો અવાજ દબાવવા માટે આ લોકો જેલનો ડર બતાવે છે. જેલમાં જ ને નાખશે, ફાંસી તો નહીં આપે. પ્રવીણ રામ અને રાજુ કરપડા ત્રણ મહિનાથી જેલમાં છે, થોડા દિવસમાં જ છૂટીને આવી જશે. ચૈતર વસાવાને અનેકવાર જેલમાં નાખી ચૂક્યા છે, પરંતુ છૂટીને આવી ગયા. જેલથી ડરવાની જરૂર નથી. આખા ગુજરાતની જનતા હવે ભાજપથી નહીં ડરે અને ના ભાજપની જેલથી ડરવાની છે. શું ભાજપ આખા ગુજરાતને જેલમાં નાખી શકે છે? ૨૦૨૭માં ગુજરાતની સત્તા બદલાવાની છે, પછી ભાજપવાળા જેલમાં જશે. તેમણે મને છ મહિના સુધી જેલમાં રાખ્યો. જેલથી ડરવાની જરૂર નથી, જેલમાં પણ સારું ખાવાનું મળે છે. મારા સિવાય મનીષ સિસોદિયા, સંજય સિંહ, સત્યેન્દ્ર જૈન બધા છૂટીને આવી ગયા.
ગુજરાતમાં સત્તા પરિવર્તન કરી બીજેપીને ભગાડશે આપ
અરવિંદ કેજરીવાલે કહ્યું કે ભાજપ કહે છે કે કેજરીવાલે ચોરી કરી છે. જો મેં અસલમાં ચોરી કરી હોત તો આજે હું ભાજપમાં જોડાઈ ગયો હોત. મેં ચોરી નથી કરી, તેથી ગુજરાતમાં આવીને તેમને ગાળો આપવાની હિંમત છે. એવા અનેક નેતાઓ છે, જેમના પર ઇડી-સીબીઆઈના દરોડા પડ્યા અને પછી બધા ભાજપમાં જોડાઈ ગયા. કેજરીવાલ, મનીષ સિસોદિયા, સંજય સિંહ, સત્યેન્દ્ર જૈન ભાજપમાં ન ગયા, કારણ કે અમે ચોરી નથી કરી. અમારા ઉપર ખોટા કેસ લગાવવામાં આવ્યા. ભાજપને લાગ્યું કે આમ આદમી પાર્ટીના સૌથી મોટા નેતાઓને જેલમાં નાખી દઈશું તો આમ આદમી પાર્ટી તૂટી જશે. આમ આદમી પાર્ટી હવે તૂટશે નહીં, પણ ગુજરાતમાં સત્તા પરિવર્તન કરશે અને ભાજપને ભગાડશે.
ગુજરાતમાંથી ગુંડારાજ ખતમ કરવાનું છે
અરવિંદ કેજરીવાલે કહ્યું કે ગુજરાત સરદાર વલ્લભભાઈ પટેલ, મહાત્મા ગાંધી જેવા મહાન લોકોની ધરતી છે. આપણે બધા આ ધરતી પર કસમ ખાઈને જઈશું કે ગુજરાતમાંથી ગુંડારાજ ખતમ કરવાનું છે. હજુ ચૂંટણીમાં બે વર્ષ બાકી છે. જેમ-જેમ ચૂંટણી નજીક આવશે, તેમની ઇડી-સીબીઆઈ અને પોલીસ આવશે. તેમનો અત્યાચાર ખૂબ વધશે. વારંવાર ‘આપ’ નેતાઓને જેલમાં નાખશે, અમારા ઉપર લાઠીઓ વરસાવશે. આપણે બધા આના માટે તૈયાર છીએ. ગુજરાતની જનતા જેલ જવા તૈયાર છે તો ગુજરાતમાં પરિવર્તન રોકવાની કોઈની તાકાત નથી.
દિલ્હીના લોકોએ ભાજપ અને કોંગ્રેસને ઉખેડીને ફેંકી દીધા
અરવિંદ કેજરીવાલે કહ્યું કે અનેક લોકો કહે છે કે તેમની પ્રશાસન પર બહુ પકડ છે. દિલ્હીમાં પણ આવું જ થયું હતું, પંજાબમાં પણ થયું હતું. દિલ્હીમાં ૭૫ વર્ષથી ભાજપ અને કોંગ્રેસનું શાસન હતું. ૨૦૧૩માં જ્યારે પહેલીવાર એક વર્ષ જૂની આમ આદમી પાર્ટીએ ચૂંટણી લડી તો બધાએ કહ્યું કે આમ આદમી પાર્ટીનું કંઈ નહીં થઈ શકે, પરંતુ દિલ્હીના લોકોએ ભાજપ અને કોંગ્રેસને ઉખેડીને ફેંકી દીધા. આમ આદમી પાર્ટીની દિલ્હીમાં ૭૦ માંથી ૬૭ સીટ આવી હતી. આવી જ રીતે પંજાબમાં અકાલી દળ, ભાજપ અને કોંગ્રેસનું રાજ હતું. પંજાબના લોકોએ તેમને પણ ઉખેડીને ફેંકી દીધા. ૧૧૭ માંથી ૯૨ સીટ આમ આદમી પાર્ટીને મળી. હવે ગુજરાતમાં પણ દિલ્હી અને પંજાબ જેવો જ માહોલ છે. ગુજરાત પણ મોટા પરિવર્તન તરફ વધી રહ્યું છે. દિલ્હી-પંજાબના લોકો કરી શકે છે તો ગુજરાતના લોકો પણ ભાજપને ઉખેડી ફેંકશે. આ અમારા કાર્યકર્તાઓએ કર્યું.
‘આપ’ કાર્યકર્તાઓએ સંભાળવાની છે પૂરી કમાન
અરવિંદ કેજરીવાલે કહ્યું કે આમ આદમી પાર્ટી સામાન્ય પાર્ટી છે. અમારી પાસે પૈસાની તાકાત નથી, પણ અમારી પાસે સચ્ચાઈની તાકાત છે. મહાભારતની જેમ આ ધર્મયુદ્ધ છે. એક તરફ પાંચ પાંડવ હતા અને બીજી તરફ કૌરવ હતા. કૌરવો પાસે સેના હતી, ધન હતું, બધું જ હતું. પાંડવો પાસે ફક્ત સચ્ચાઈની તાકાત હતી. પાંડવો સાથે ભગવાન ઉભા હતા. આજે આમ આદમી પાર્ટી સાથે ભગવાન રૂપી ગુજરાતની જનતા ઉભી છે. તેમની પાસે ઇડી-સીબીઆઈ, ઇન્કમ ટેક્સ, પોલીસ અને અબજો રૂપિયા છે. અમારી પાસે કંઈ જ નથી. ‘આપ’ જ્યારે દિલ્હીની ચૂંટણી લડી હતી, ત્યારે કાર્યકર્તાઓ ઘરેથી ટિફિન લઈને આવતા હતા. પંજાબ ચૂંટણી લડ્યા તો કાર્યકર્તાઓ ઘરે-ઘરે જતા હતા. ગુજરાત ચૂંટણીના બે વર્ષ બાકી છે. ‘આપ’ કાર્યકર્તાઓએ પૂરી કમાન સંભાળવાની છે. દરેક બૂથ, દરેક ઘરે જવું પડશે. આ જ આર-પારની લડાઈ છે. અત્યારે નહીં તો ક્યારેય નહીં. આ વખતે ગુજરાતની જનતા સાથે મળીને ભાજપનો સફાયો કરવાનો છે. ભાજપવાળા ગુજરાતના લોકોનું અપમાન કરે છે. અમે સત્તા માટે નહીં, ગુજરાતના સન્માન માટે લડી રહ્યા છીએ. ભગવાન અમારી સાથે છે, જીત ‘આપ’ ની થશે.
ગોપાલ રાયે ભાજપને ઘેરી
આ દરમિયાન ગુજરાત પ્રભારી ગોપાલ રાયે કહ્યું કે ભાજપે ડરના કારણે પોલીસનો દુરુપયોગ કરી નિકોલમાં થનારી સભાની મંજૂરી રદ કરાવી દીધી અને રાતના અંધારામાં મંચ અને ખુરશીઓ પણ હટાવી દીધી. તેમ છતાં, આમ આદમી પાર્ટીના કાર્યકર્તાઓએ હાર માની નહીં અને માત્ર બે કલાકની અંદર ૫૦ કિમી દૂર સાણંદમાં યુદ્ધના ધોરણે નવી વ્યવસ્થા કરી હજારોની સંખ્યામાં એકત્રિત થઈને પોતાની તાકાતનો અહેસાસ કરાવ્યો. ભાજપ ગમે તેટલા અવરોધો ઉભા કરે, અરવિંદ કેજરીવાલના સિપાહી આંધી અને તોફાનનો સામનો કરવા તૈયાર છે.
આપ નેતા ઝૂકવા કે વેચાવાવાળા નથી
ગોપાલ રાયે આગળ કહ્યું કે ભાજપે દિલ્હીમાં અરવિંદ કેજરીવાલ, મનીષ સિસોદિયા અને સંજય સિંહ જેવા નેતાઓને જેલમાં નાખીને પાર્ટીને તોડવાની કોશિશ કરી, પરંતુ આપ નેતા ઝૂકવા કે વેચાવાવાળા નથી. તેમણે કાર્યકર્તાઓને આહવાન કર્યું કે તેઓ હવે હોળી પછી ગાંધીનગર કૂચ માટે તૈયાર રહે. ગોપાલ રાયે અલ્ટીમેટમ આપ્યું કે જો બજેટ સત્રમાં ખેડૂતોનો અવાજ સાંભળવામાં નહીં આવે, તો પાર્ટી ગાંધીનગરમાં મોટું આંદોલન કરશે. આ માટે તેમણે કાર્યકર્તાઓને ઘરે-ઘરે જઈને બૂથ સ્તરે એક એવી મજબૂત ટીમ બનાવવાનો નિર્દેશ આપ્યો, જે એક કલાકની નોટિસ પર મોરચો સંભાળવા માટે તૈયાર રહે.
