જમ્મુ-કાશ્મીરના ડોડા જિલ્લામાં ગુરુવારે એક મોટો અકસ્માત થયો હતો. સેનાનું વાહન ખાડામાં પડી જવાથી અહીં ઓછામાં ઓછા 10 સૈનિકોના મોત થયા છે. અધિકારીઓએ કહ્યું છે કે આ દુર્ઘટનામાં ઘણા સૈનિકો ઘાયલ પણ થયા છે. આ અકસ્માત ભદરવાહ-ચંબા આંતરરાજ્ય માર્ગ પર ખન્ની ટોપ પર થયો હતો.
અધિકારીઓએ જણાવ્યું કે દુર્ઘટના સમયે આ બુલેટ પ્રૂફ આર્મી વાહનમાં 17 સૈનિકો હતા અને તે ઊંચી ચોકી તરફ જઈ રહ્યું હતું. ત્યારપછી ખન્ની ટોપ પર ડ્રાઈવરે વાહન પરનો કાબૂ ગુમાવ્યો અને વાહન 200 ફૂટ ઊંડી ખીણમાં ખાબક્યું.
આ પણ વાંચોઃ જમ્મુ-કાશ્મીરમાં આતંકવાદીઓની અથડામણમાં કમાન્ડો શહીદ, ગઈકાલે આઠ જવાનો ઘાયલ થયા હતા
આ પણ વાંચોઃ પ્રજાસત્તાક દિવસે ષડયંત્ર? JKમાં આતંકવાદીઓ સામે મોટું ઓપરેશન, 8 જવાન ઘાયલ
અધિકારીઓએ જણાવ્યું કે સેના અને પોલીસે તરત જ બચાવ અભિયાન શરૂ કર્યું અને ઘણા સૈનિકોના મૃતદેહ મળી આવ્યા. તેમણે કહ્યું કે બચાવ કરાયેલા અન્ય સૈનિકો ઘાયલ થયા છે અને તેમાંથી ત્રણને ગંભીર ઈજાઓ થઈ છે. સૈનિકોને એરલિફ્ટ કરીને ઉધમપુર મિલિટરી હોસ્પિટલમાં સારવાર માટે લઈ જવામાં આવ્યા છે.
