ન્યુઝીલેન્ડ સામે રાયપુર T20માં ભારતની જીતનો હીરો ઈશાન કિશન રહ્યો હતો. 209 રનના લક્ષ્યનો પીછો કરતા ટીમ ઈન્ડિયાનો સ્કોર 6/2 હતો ત્યારે આ મુશ્કેલ પરિસ્થિતિમાં ઈશાન કિશને 32 બોલમાં 11 ચોગ્ગા અને 4 ગગનચુંબી છગ્ગાની મદદથી 76 રનની ઈનિંગ રમી હતી. તેના સિવાય કેપ્ટન સૂર્યકુમાર યાદવે પણ 37 બોલમાં અણનમ 82 રન બનાવ્યા હતા, પરંતુ ઈશાન કિશનની ઈનિંગની મેચ પર વધુ અસર પડવાને કારણે તેને પ્લેયર ઓફ ધ મેચનો એવોર્ડ આપવામાં આવ્યો હતો. આ સાથે, ઇશાન કિશને T20I માં ભારત માટે સૌથી વધુ પ્લેયર ઓફ ધ મેચ એવોર્ડ જીતનાર ખેલાડીઓની યાદીમાં સારી એન્ટ્રી કરી છે.
ભારત સામે કદાચ 300 રન… ભારતની બેટિંગ જોઈને ન્યુઝીલેન્ડનો કેપ્ટન ધ્રૂજી ગયો.
ઇશાન કિશનની T20I કારકિર્દીમાં આ ત્રીજો પ્લેયર ઓફ ધ મેચ એવોર્ડ છે. આ સાથે તેણે સુરેશ રૈના, શ્રેયસ અય્યર અને રવિન્દ્ર જાડેજા જેવા ખેલાડીઓની બરાબરી કરી લીધી છે. ઈશાન કિશન સહિત કુલ 9 ખેલાડીઓએ 3-3 પ્લેયર ઓફ ધ મેચ એવોર્ડ જીત્યા છે. ઈશાન કિશન સિવાય હવે આ યાદીમાં 17 એવા ખેલાડીઓ છે જેમણે 4 કે તેથી વધુ પ્લેયર ઓફ ધ મેચ એવોર્ડ જીત્યા છે. આ યાદીમાં વિરાટ કોહલી અને સૂર્યકુમાર યાદવ ટોપ પર છે. આ બંને મહાન ખેલાડીઓએ 16-16 વખત ટીમની જીતમાં મહત્વની ભૂમિકા ભજવી છે.
ટીમ ઈન્ડિયાએ હચમચાવી દીધા અનેક રેકોર્ડ, પાકિસ્તાનના 2 વર્લ્ડ રેકોર્ડ તુટી ગયા
T20I માં ભારત માટે સર્વોચ્ચ POM એવોર્ડ
16-વિરાટ કોહલી
16- સૂર્યકુમાર
14 – રોહિત શર્મા
8- અક્ષર પટેલ
7- યુવરાજ સિંહ
6- હાર્દિક પંડ્યા
6-જસપ્રિત બુમરાહ
