ભારત અને પાકિસ્તાન વચ્ચે ચાલી રહેલા તણાવની અસર ક્રિકેટના મેદાન પર પણ જોવા મળી રહી છે. ગયા વર્ષે પહેલગામ આતંકવાદી હુમલા બાદ ભારતે ક્રિકેટના મેદાનમાં પણ પાકિસ્તાનનો બહિષ્કાર કરવાની કોઈ તક છોડી ન હતી. નિયમોના કારણે ભારતે પાકિસ્તાન સામે મેચ રમી હતી, પરંતુ કેપ્ટન કે ખેલાડીઓએ પાકિસ્તાની ખેલાડીઓને કોઈ મહત્વ આપ્યું ન હતું. ખેલાડીઓએ હાથ પણ મિલાવ્યો ન હતો. ભૂતપૂર્વ ખેલાડીઓ પણ તેના સમર્થનમાં જોવા મળ્યા હતા. પરંતુ હવે ઈરફાન પઠાણનો એક વીડિયો વાયરલ થઈ રહ્યો છે જેમાં તે મેચ બાદ પાકિસ્તાનના શોએબ મલિકને ગળે લગાવતો જોવા મળી રહ્યો છે. આ વીડિયોએ ભારે વિવાદ સર્જ્યો છે.
જણાવવામાં આવી રહ્યું છે કે ગુરુવારે ભારત અને પાકિસ્તાન વચ્ચે એક પ્રદર્શની મેચ રમાઈ હતી. આ મેચમાં પાકિસ્તાને પ્રથમ બેટિંગ કરતા ચાર ઓવરમાં 4 વિકેટે 56 રન બનાવ્યા હતા જેમાં શોએબ મલિકના 34 રન અને ઈમરાન નઝીરના 16 રન સામેલ હતા. જવાબમાં ભારત માત્ર 51 રન બનાવી શક્યું હતું અને લક્ષ્યાંકથી પાંચ રન ઓછા પડી ગયું હતું. જ્યારે મેચ સમાપ્ત થઈ ત્યારે ઈરફાન પઠાણ અને સ્ટુઅર્ટ બિન્ની ક્રિઝ પર હતા અને બંનેએ હાથ મિલાવીને વિરોધી ટીમના ખેલાડીઓને ગળે લગાવ્યા હતા.
આ વીડિયો સોશિયલ મીડિયા પર વાયરલ થઈ રહ્યો છે અને ભારતીય ચાહકો ઈરફાન પઠાણની જોરદાર ટીકા કરી રહ્યા છે.
