ભારતીય T20 કેપ્ટન સૂર્યકુમાર યાદવ વર્લ્ડ કપ પહેલા ફોર્મમાં પરત ફર્યો છે. ન્યુઝીલેન્ડ સામે તેણે 82 રનની શાનદાર ઇનિંગ રમીને ભારતને ઐતિહાસિક જીત અપાવી હતી. આ દરમિયાન સૂર્યાએ 4 સિક્સર ફટકારી હતી. આ 4 છગ્ગા સાથે તે વિરાટ કોહલીનો મોટો રેકોર્ડ તોડવામાં સફળ રહ્યો હતો. ટી20માં રનનો પીછો કરતી વખતે ભારત માટે સૌથી વધુ સિક્સર ફટકારવાનો આ રેકોર્ડ છે. સૂર્યા હવે આ યાદીમાં બીજા સ્થાને પહોંચી ગયો છે. હવે તેનાથી આગળ માત્ર પૂર્વ કેપ્ટન રોહિત શર્મા છે. હિટમેન અને સૂર્યા વચ્ચે માત્ર 20 સિક્સરનો જ તફાવત છે.
સૂર્યાએ અત્યાર સુધી રન ચેઝ દરમિયાન ભારત માટે 36 ઇનિંગ્સમાં 54 સિક્સર ફટકારી છે. જ્યારે વિરાટ કોહલી 48 ઇનિંગ્સમાં 53 છગ્ગા સાથે બીજા સ્થાને સરકી ગયો છે.
રોહિત શર્મા એવો ખેલાડી છે જેણે રન ચેઝ દરમિયાન ભારત માટે સૌથી વધુ સિક્સ ફટકારી છે. આ ફોર્મેટમાં રનનો પીછો કરતી વખતે, તેણે કુલ 74 વખત બોલ સીધો બાઉન્ડ્રી પાર કર્યો છે. ટોપ-5માં કેએલ રાહુલ 40 છગ્ગા સાથે ચોથા સ્થાને છે જ્યારે યુવરાજ સિંહ 31 છગ્ગા સાથે પાંચમા સ્થાને છે.
