ન્યુઝીલેન્ડ સામેની ત્રીજી T20માં અભિષેક શર્માએ પોતાની તોફાની બેટિંગથી ધૂમ મચાવી હતી. તેણે એવો હંગામો મચાવ્યો કે મેચ બાદ ન્યૂઝીલેન્ડના કેટલાક ખેલાડીઓ તેના બેટને હાથ વડે ચેક કરવા લાગ્યા કે જાણે તેઓ તપાસી રહ્યા હોય કે શર્મા આટલી પ્રભાવશાળી રીતે બેટિંગ કરી રહ્યો છે તેમાં કંઈક ખોટું છે કે કેમ. ડેવોન કોનવે અને જેકબ ડફી અભિષેક શર્માના બેટને નજીકથી જોતા જોવા મળ્યા હતા.
ભારતે પ્રથમ બોલ પર જ વિકેટ ગુમાવી દીધી હતી
ગુવાહાટીમાં રમાયેલી ત્રીજી T20માં ન્યૂઝીલેન્ડે પ્રથમ બેટિંગ કરતા 9 વિકેટના નુકસાન પર 153 રનનો સરસ સ્કોર બનાવ્યો હતો. લક્ષ્યનો પીછો કરવા ઉતરેલી ભારતીય ટીમને પહેલા જ બોલ પર સંજુ સેમસન હેનરીના હાથે બોલ્ડ થતાં વિકેટ ગુમાવવી પડી હતી.
ઈશાન, અભિષેક અને સૂર્યાની તોફાની ઇનિંગ્સ
પહેલા જ બોલ પર વિકેટ પડ્યા બાદ પણ ભારતીય બેટ્સમેન પર કોઈ અસર જોવા મળી ન હતી. ત્રીજા નંબર પર બેટિંગ કરવા આવેલા ઈશાન કિશન તેના પહેલા બોલ પર કોઈ રન બનાવી શક્યો ન હતો પરંતુ તે પછી તેણે સતત બે સિક્સર અને તે પછી જોરદાર ફોર ફટકારી હતી. ઈશાન કિશન 13 બોલમાં 28 રન બનાવીને આઉટ થયો હતો. તે પછી કેપ્ટન સૂર્યકુમાર યાદવ આવ્યો અને બંને બેટ્સમેન અભિષેક શર્મા સાથે માત્ર 10 ઓવરમાં મેચ જીતીને પરત ફર્યા.
અભિષેક શર્માએ રેકોર્ડ બનાવ્યો
અભિષેક શર્માએ માત્ર 14 બોલમાં અડધી સદી ફટકારી હતી, જે T20 ઈન્ટરનેશનલમાં કોઈપણ ભારતીય દ્વારા બીજી સૌથી ઝડપી અડધી સદી હતી. શર્માએ માત્ર 20 બોલમાં 68 રનની અણનમ ઇનિંગ રમી હતી. આ દરમિયાન તેણે 7 ફોર અને 5 સિક્સર ફટકારી હતી અને તેનો સ્ટ્રાઈક રેટ 340 હતો. સૂર્યકુમાર યાદવે પણ 26 બોલમાં 57 રનની અણનમ ઈનિંગ રમી હતી. તેણે 6 ફોર અને 3 સિક્સર ફટકારી હતી અને તેનો સ્ટ્રાઈક રેટ 219.23 હતો.
