દક્ષિણ આફ્રિકા સહિત 5 ટીમો સેમીફાઈનલની રેસમાંથી બહાર, જાણો શું…

U19 વર્લ્ડ કપ 2026ની ડબલ સુપર 6 મેચો રમાઈ રહી છે. સેમિફાઇનલ માટે 12 ટીમો લડી રહી હતી, પરંતુ આમાંથી 5 ટીમ હવે ટુર્નામેન્ટમાં આગળ વધી શકશે નહીં. દક્ષિણ આફ્રિકા અને ન્યુઝીલેન્ડ સહિત 5 ટીમો બહાર થઈ ગઈ છે અને સેમીફાઈનલમાં પ્રવેશ કરી શકશે નહીં. ટુર્નામેન્ટમાં ભારત અને પાકિસ્તાન હજુ પણ જીવંત છે. બંનેની એક મેચ બાકી છે. બંને 1લી ફેબ્રુઆરીએ એકબીજા સાથે ટકરાવાના છે. આ પહેલા જાણી લો સુપર 6 પછી કઈ ટીમો આગળ રમી શકશે નહીં. ઓસ્ટ્રેલિયા, અફઘાનિસ્તાન, શ્રીલંકા, વેસ્ટ ઈન્ડિઝ, દક્ષિણ આફ્રિકા અને આયર્લેન્ડે ઝિમ્બાબ્વે અને નામિબિયામાં રમાઈ રહેલા ICC અંડર-19 વર્લ્ડ કપ 2026ના ડબલ સુપર 6 માટે ગ્રુપ A અને Dમાંથી ક્વોલિફાય કર્યું હતું. જ્યારે ગ્રુપ બી અને સીમાંથી ભારત, ઈંગ્લેન્ડ, પાકિસ્તાન, બાંગ્લાદેશ, ન્યુઝીલેન્ડ અને યજમાન ઝિમ્બાબ્વેએ સુપર 6માં સ્થાન મેળવ્યું હતું. દક્ષિણ આફ્રિકા અને આયર્લેન્ડ ગ્રુપ A અને Dમાંથી આગળ નહીં વધે જ્યારે બીજા ગ્રુપમાંથી ન્યુઝીલેન્ડ, બાંગ્લાદેશ અને યજમાન ઝિમ્બાબ્વેની સફર સમાપ્ત થઈ ગઈ છે. ઓસ્ટ્રેલિયા, અફઘાનિસ્તાન, શ્રીલંકા અને વેસ્ટ ઈન્ડિઝ ગ્રુપ A અને Dમાંથી જીવંત છે, જ્યારે ભારત, પાકિસ્તાન અને ઈંગ્લેન્ડ ગ્રુપ B અને Cમાંથી જીવંત છે. આમાંથી ચાર ટીમો સેમિફાઈનલમાં પ્રવેશ કરશે. અત્યારે ગ્રુપ A-Dમાં ઓસ્ટ્રેલિયા અને અફઘાનિસ્તાન ટોપ પર છે જ્યારે ભારત અને ઈંગ્લેન્ડ ગ્રુપ B-Cમાં ટોપ-2માં છે. આવી સ્થિતિમાં, સ્પર્ધા બાકીની તુલનામાં ઘણી વધુ રસપ્રદ બનવાની છે. જો ઈંગ્લેન્ડની ટીમ ન્યુઝીલેન્ડને હરાવશે તો ટીમ સેમીફાઈનલમાં પહોંચી જશે. આ પછી ભારત અને પાકિસ્તાનની મેચ નોકઆઉટ મેચ જેવી હશે. ઓસ્ટ્રેલિયન ટીમ ગ્રૂપ A-Dમાંથી 3 મેચ જીતીને સરળતાથી સેમિફાઇનલમાં પ્રવેશ કરશે.