સોના-ચાંદીના બજારમાં જે રીતે વધઘટ થઈ રહી છે તેનાથી સામાન્ય માણસની ઊંઘ ઉડી ગઈ છે. લગ્નસરાની સિઝન પહેલા સોના-ચાંદીના ભાવમાં ભારે વધારાથી લોકો પરેશાન છે. રવિવારે જ્યારે નિર્મલા સીતારમણ બજેટ રજૂ કરી રહ્યા હતા ત્યારે અચાનક સોના-ચાંદીના ભાવમાં ઘટાડો થયો અને પછી શેરબજારમાં કડાકો બોલી ગયો. સોના-ચાંદીના ભાવને ધ્યાનમાં લેતા સામાન્ય માણસ માટે જ્વેલરી માત્ર સ્વપ્ન બની ગઈ છે.
સોના-ચાંદીના ભાવને લઈને સોશિયલ મીડિયા પર ઘણા બધા મીમ્સ બનાવવામાં આવી રહ્યા છે. ભારતીય લોકોની ખાસિયત એ છે કે મુશ્કેલીના સમયમાં પણ તેઓ હસવાનું બહાનું શોધી કાઢે છે. ઈન્ટરનેટ પર લોકો તેમની સમસ્યાઓ સમજાવવા માટે હળવાશથી રમુજી મીમ્સ બનાવી રહ્યા છે.
