અમેરિકન સ્પેસ એજન્સી નાસાએ તેનું ચંદ્ર મિશન હાલ પૂરતું મુલતવી રાખ્યું છે. મળતી માહિતી મુજબ નાસા માર્ચમાં માનવયુક્ત ફ્લાયબાય મિશન આર્ટેમિસ-2 લોન્ચ કરવા જઈ રહ્યું હતું. જોકે, હવે રોકેટ અને વાહન બંનેને લોન્ચ પેડ પરથી હટાવી દેવામાં આવ્યા છે. કહેવામાં આવ્યું હતું કે રોકેટમાં ટેક્નિકલ ખામીના કારણે મિશન સ્થગિત કરવામાં આવ્યું છે. નાસાના ચીફ જેરેડ ઈસાકમેને શનિવારે જણાવ્યું હતું કે સ્પેસ લોંચ સિસ્ટમ (SLS) હિલિયમ લીકની સમસ્યા જોવા મળી હતી. હવે આ મિશન માર્ચમાં લોન્ચ કરવામાં આવશે નહીં.
તેમણે કહ્યું, નાસાની ટીમ આ નિર્ણયથી નિરાશ છે. અમે આ મિશન માટે સખત મહેનત કરી છે. તેમણે કહ્યું કે મહત્વપૂર્ણ મિશન ખૂબ કાળજી સાથે હાથ ધરવામાં આવે છે. 1960ના દાયકામાં પણ નાસાએ એવી સિદ્ધિ હાંસલ કરી હતી જેની દુનિયાએ કલ્પના પણ કરી ન હતી. ત્યારે પણ અનેક અવરોધો આવ્યા હતા અને મિશનમાં વિલંબ થયો હતો.
રોકેટ સિસ્ટમમાં હિલીયમ મહત્વની ભૂમિકા ભજવે છે
કોઈપણ રોકેટ સિસ્ટમ માટે હિલિયમ ખૂબ જ મહત્વપૂર્ણ છે. આ પ્રોપેલન્ટ ટાંકીમાં દબાણ બનાવે છે અને એન્જિન ચલાવવામાં મદદ કરે છે.
