અભિનેતા વિજય અને પત્ની સંગીતા 25 વર્ષથી સાથે છે, પરંતુ હવે એક ચોંકાવનારા સમાચાર સામે આવી રહ્યા છે કે અભિનેતાની પત્નીએ છૂટાછેડા માટે અરજી કરી છે. અહેવાલો અનુસાર, આ કાયદાકીય કાર્યવાહી સ્પેશિયલ મેરેજ એક્ટ 1954ના આધારે કરવામાં આવી રહી છે. આ એક્ટ પતિ કે પત્નીને વ્યભિચાર અને ક્રૂરતા સહિતના કારણોસર છૂટાછેડા લેવાની મંજૂરી આપે છે.
સંગીતાએ વિજય પર આ આરોપ લગાવ્યો હતો
પિટિશન અનુસાર, સંગીતાએ દાવો કર્યો છે કે વિજયના એક મહિલા અભિનેતા સાથે લગ્નેતર સંબંધ હતા. અરજીમાં દાવો કરવામાં આવ્યો છે કે વર્ષ 2021માં સંગીતાને ખબર પડી કે વિજય એક અભિનેત્રી સાથે રિલેશનશિપમાં છે. વધુમાં એવો દાવો કરવામાં આવ્યો હતો કે વિજયે સંબંધ ખતમ કરવાની ખાતરી આપી હોવા છતાં તેણે સંબંધ ચાલુ રાખ્યો હતો.
સ્પેશિયલ મેરેજ એક્ટની કલમ 27(1)(A) અને 27(1)(D) હેઠળ સંગીતાએ માંગેલા છૂટાછેડા માટે આ બાબતો મહત્વપૂર્ણ આધાર બની હતી.
બંને તરફથી નિવેદન આવવાના બાકી છે
નવી એજન્સી ANI અનુસાર, સંગીતાએ ચેંગલપટ્ટુ ફેમિલી કોર્ટમાં અરજી દાખલ કરી છે. વિજય અને તેની પત્ની તરફથી નિવેદન આવવાનું બાકી છે.
