મહેસાણા, વિજાપુર પંથકમાં રહેતી એક સગીરાને પ્રેમજાળમાં ફસાવી વિવિધ સ્થળે લઈ જઈ અવારનવાર દુષ્કર્મ ગુજારવાના ગુનાના રાજસ્થાનના આરોપીને મહેસાણાની સ્પે. પોક્સો કોર્ટે ૨૦ વર્ષની સખત કેદની સજા ફટકારી હતી.
રાજસ્થાનના સિરોહી જિલ્લાના રેવદર તાલુકાના ફતેપુરા (ભેરૂગઢ)નો વતની અને વિજાપુર તાલુકાના ફૂદેડા ગામે એક ખરીમાં રહેતો ચેનારામ શંકરરામ માજીરાણા (ભીલ) પંથકમાં રહેતી એક પરપ્રાંતિય સગીરાને પ્રેમજાળમાં ફસાવીને ગત તા.૧૩-૨-૨૫ના રોજ વિજાપુર, અમદાવાદ, આબુરોડ સહિત વિવિધ સ્થળે લઈ ગયો હતો અને તેણી સાથે અવારનવાર દુષ્કર્મ આચર્યું હતું.
આ બાબતે લાડોલ પોલીસ મથકે આરોપી ચેનારામ સામે પોક્સો સહિત વિવિધ કલમો હેઠળ ગુનો નોંધાયો હતો.આ કેસમાં સરકારી વકીલ પરેશકુમાર કે. દવેએ કોર્ટ સમક્ષ ૧૦ જેટલા સાક્ષી તપાસ્યા હતા અને ૫૨ જેટલા દસ્તાવેજી પુરાવા રજૂ કર્યા હતા તેમજ ૩ ડોક્ટરને તપાસી મેડિકલ સર્ટિ તેમજ એફએસએલ રિપોર્ટ રજૂ કર્યાે હતો તેમજ દલીલો કરી હતી કે, આરોપી ૨૯ વર્ષની ઉંમરનો હોવા છતાં સગીરાને અલગ અલગ જગ્યાએ લઈ જઈ તેણીની મરજી વિરુદ્ધ શરીર સંબંધ બાંધી વારંવાર દુષ્કર્મ આચર્યું છે. ભોગ બનનાર સગીરાએ ન્યાયાધિસ સમક્ષના નિવેદનમાં પણ આરોપીએ મરજી વિરુદ્ધ દુષ્કર્મ કરેલું હોવાનું જણાવ્યું છે.
આરોપીએ ગંભીર ગુનો કર્યાે હોઈ વધુમાં વધુ સજા કરવાની રજૂઆત કરી હતી. જે ગ્રાહ્ય રાખી મહેસાણાના સ્પે. પોક્સો જજ એમ.એફ.ખત્રીએ આરોપી ચેનારામ માજીરાણાને વિવિધ કલમો હેઠળ ૨૦ વર્ષની સખત કેદની સજા અને કુલ રૂ.૮૩,૫૦૦નો દંડ ફટકાર્યાે હતો. ભોગ બનનાર સગીરાને રૂ.૩ લાખ વળતર અપાવતો આદેશ પણ કોર્ટે કર્યાે હતો.SS1MS
