મૂળ પુનાના વતની ડો. સંતોષ ગઢવી એસ.જી. હાઈવે, અમદાવાદમાં મકાન ભાડે રાખીને છૂપાયા હતા
પૂર્વ CEO સંતોષ ગઢવીએ તા.૧.૪.ર૦રર થી ૩૧.૧.ર૦રપ દરમિયાન મેડિકલ સાધનોની ખરીદીમાં ગેરરીતિ આચરી હોવાની વિગતો ઓડિટ દરમિયાન ધ્યાને આવી હતી.
વડોદરા, વડોદરાના જેતલપુર રોડ આવેલી વોર્ડ વિઝાર્ડ મેડિકેર કંપનીમાં ગેરરીતિ આચરી ર૮.૪૮ કરોડની છેતરપિંડી કરવાના ગુનામાં નાસતા ફરતા કંપનીના સીઈઓ ડો. સંતોષ હરીભાઈ ગઢવીને ડીસીબી પોલીસની ટીમે અમદાવાદ ખાતેથી ઝડપી પાડયા છે. satish-gadhvi-former ceo-of-wardwizard-medicare
વોર્ડ વિઝારર્ડ મેડિકેર પ્રા.લિ. એન્ડ હેલ્થ કેર ના ફાઈનાન્સ હેડ મોહસીનખાન પઠાણે પોલીસ ફરિયાદ નોંધાવી જણાવ્યું હતું કે, અમારી કંપનીની વડોદરાના જેતલપુર રોડ ઉપરાંત નડિયાદ, દહેજ, અને ભરૂચ ખાતે હોસ્પિટલો આવેલી છે.
કંપનીએ ડો. સંતોષકુમાર હરિભાઈ ગઢવી (રહે. નવજીવન મલ્ટિ સ્પેશિયાલિટી હોસ્પિટલ, કિંખલોડ બસ સ્ટેન્ડ પાસે, બોરસદ મૂળ રહે. ચતુરપાર્ક સોસાયટી- ૪, કોરેગાવ પાર્ક, પૂણે અને હાલ રહે. સંસ્કાર એપાર્ટમેન્ટ, એસ.જી. હાઈવે, અમદાવાદ) ને સીઈઓ તરીકે નિમણૂંક કરી અને અન્ય વહીવટી બાબતોના અધિકાર આપ્યા હતા તેમણે તા.૧.૪.ર૦રરથી ૩૧.૧.ર૦રપ દરમિયાન મેડિકલ સાધનોની ખરીદીમાં ગેરરીતિ આચરી હોવાની વિગતો ઓડિટ દરમિયાન ધ્યાને આવી હતી.
તેમણે કેટલી કંપનીના બોગસ બિલો અને બોગસ એકાઉન્ટ બનાવી રકમો ટ્રાન્સફર કર્યાની પણ વિગતો બહાર આવી છે. તેમણે કંપનીને જીએસટી સહિત કુલ રૂ.ર૮.૪૭ કરોડનું નુકસાન કરતાં પોલીસે ગુનો નોંધ્યો છે.
ગુનો દાખલ થયા પછી આરોપીએ કરેલી આગોતરા જામીન અરજી નામંજૂર થઈ હતી. દરમિયાન ડીસીબી પી.આઈ. આર.જી. જાડેજાની ટીમને માહિતી મળી હતી કે, આરોપી અમદાવાદ એસ.જી.હાઈવે પાસે મકાન ભાડે રાખીને રહે છે. જેથી પોલીસે અમદાવાદ જઈ આરોપીને ઝડપી પાડયો છે.
કંપનીમાં આટલી મોટી રકમની હેરાફેરી થઈ રહી હોવાની કોઈને જાણ નહોતી, પરંતુ નીચે મુજબની કડીઓએ આરોપીને પકડવામાં મદદ કરી:
૧. ઇન્ટરનલ ઓડિટમાં વિસંગતતા: કંપનીના વાર્ષિક હિસાબો અને ઇન્ટરનલ ઓડિટ દરમિયાન એકાઉન્ટ ડિપાર્ટમેન્ટને અમુક વ્યવહારોમાં શંકા ગઈ હતી. તપાસમાં જાણવા મળ્યું કે કંપનીના ખાતામાંથી મોટી રકમ એવી કંપનીઓ કે વ્યક્તિઓને ટ્રાન્સફર કરવામાં આવી હતી જેની સાથે કંપનીને કોઈ વ્યવસાયિક લેવાદેવા નહોતી.
૨. શેલ કંપનીઓનું નેટવર્ક: તપાસ દરમિયાન સામે આવ્યું કે નિર્મલ પારેખે પોતાના પરિવારજનો અને મિત્રોના નામે કેટલીક ‘બોગસ’ અથવા ‘શેલ’ કંપનીઓ બનાવી હતી. વોર્ડ વિઝાર્ડ કંપનીમાંથી સર્વિસ કે પ્રોડક્ટ ખરીદવાના બહાને આ શેલ કંપનીઓના ખાતામાં કરોડો રૂપિયા ટ્રાન્સફર કરવામાં આવતા હતા.
૩. ડિજિટલ પુરાવા અને ઈમેલ ટ્રેલ: ક્રાઈમ બ્રાન્ચે જ્યારે ટેકનિકલ તપાસ કરી ત્યારે સીઈઓ દ્વારા મોકલવામાં આવેલા ઈમેલ્સ અને બેંકિંગ ટ્રાન્ઝેક્શનના ડેટા રિકવર કર્યા હતા. જેમાં જાણવા મળ્યું કે આરોપીએ કંપનીના નાણાંનો ઉપયોગ પોતાના અંગત રોકાણો અને લક્ઝરી લાઈફસ્ટાઈલ માટે કર્યો હતો.
