ન્યુયોર્ક. FIFA વર્લ્ડ કપ 2026માં દર્શકોની દ્રષ્ટિએ મંગળવાર ઐતિહાસિક બની ગયો. ચાર મેચો સહિત કુલ 2,81,223 દર્શકો સ્ટેડિયમમાં પહોંચ્યા, જે વિશ્વ કપના ઇતિહાસમાં એક દિવસમાં સૌથી વધુ હાજરીનો નવો રેકોર્ડ છે. અગાઉ 28 જૂન 1994ના રોજ અમેરિકામાં રમાયેલી ચાર મેચમાં 2,77,070 દર્શકો પહોંચ્યા હતા. વિક્રમજનક દિવસે પૂર્વ રધરફોર્ડમાં ફ્રાન્સ-સેનેગલની અથડામણને નિહાળવા માટે સૌથી વધુ 80,545 લોકોની ભીડ જોવા મળી હતી. આ સિવાય કેન્સાસ સિટીમાં આર્જેન્ટિના-અલજીરિયાની મેચમાં 69,045 દર્શકો હાજર રહ્યા હતા, સાન્ટા ક્લેરામાં ઑસ્ટ્રિયા-જોર્ડન મેચમાં 68,527 દર્શકો અને ફોક્સબોરોમાં ઇરાક-નોર્વેની મેચમાં 63,106 દર્શકો હાજર રહ્યા હતા. ટૂર્નામેન્ટના પ્રથમ છ દિવસમાં કુલ 13,09,652 દર્શકો સ્ટેડિયમમાં પહોંચ્યા છે, જ્યારે સરેરાશ હાજરી 65,483 રહી છે.
જો વર્તમાન ગતિ ચાલુ રહેશે તો 1994ના વર્લ્ડ કપના કુલ 35 લાખ દર્શકોનો રેકોર્ડ તોડવાની પૂરી સંભાવના છે.
