કેન્દ્ર સરકારે સોમવારે સુપ્રીમ કોર્ટમાં સરકારનું પ્રતિનિધિત્વ કરવા માટે 3 નવા એડિશનલ સોલિસિટર જનરલ (ASG)ની નિમણૂકની જાહેરાત કરી હતી. વરિષ્ઠ વકીલ દેવિન્દર પાલ સિંહ, અનિલ કૌશિક અને પૂર્વ રાજ્યસભા સાંસદ કનકમેદલા રવિન્દ્ર કુમારને આ મહત્વપૂર્ણ જવાબદારી સોંપવામાં આવી છે.
ડિપાર્ટમેન્ટ ઓફ પર્સોનલ એન્ડ ટ્રેનિંગ દ્વારા જારી કરવામાં આવેલા નોટિફિકેશન અનુસાર, આ નિમણૂકોને કેબિનેટની નિમણૂક સમિતિ દ્વારા મંજૂરી આપવામાં આવી છે. આ નિમણૂંકો ત્રણ વર્ષના સમયગાળા માટે અથવા આગળના આદેશો સુધી, બેમાંથી જે વહેલું હોય ત્યાં સુધી અસરકારક રહેશે.
રવિન્દ્ર કુમાર સાંસદ રહી ચૂક્યા છે
કેન્દ્ર સરકારે એએસજીની જવાબદારી તેલુગુ દેશમ પાર્ટીના પૂર્વ સાંસદ કનકમેદાલા રવિન્દ્ર કુમારને સોંપી છે. રવિન્દ્ર કુમાર 2018 થી 2024 સુધી તેલુગુ દેશમ પાર્ટી તરફથી રાજ્યસભાના સાંસદ રહી ચુક્યા છે. રાજકારણમાં પ્રવેશતા પહેલા કુમારે 2002 થી 2004 સુધી સુપ્રીમ કોર્ટમાં આંધ્ર પ્રદેશ સરકારનું પ્રતિનિધિત્વ પણ કર્યું હતું.
દવિન્દર પાલ પાસે 35 વર્ષનો અનુભવ છે
વરિષ્ઠ વકીલ દવિન્દર પાલ સિંઘ પાસે 35 વર્ષથી વધુનો અનુભવ છે અને તેમણે બંધારણીય, ફોજદારી અને વ્યાપારી કાયદાને લગતા લગભગ 20,000 કેસોની દલીલો કરી છે. અગાઉ, તેમણે કેન્દ્ર સરકાર ઉપરાંત અનેક તપાસ એજન્સીઓ, રાજ્ય સરકારો અને કોર્પોરેટનું પ્રતિનિધિત્વ કર્યું છે. આ સિવાય તેઓ 2001 થી 2005 સુધી હરિયાણા અને 2005 થી 2007 સુધી પંજાબના એડિશનલ એડવોકેટ જનરલ તરીકે પણ રહી ચૂક્યા છે.
