ઈઝરાયેલના વડાપ્રધાન બેન્જામિન નેતન્યાહુએ જાહેરાત કરી છે કે તેમણે સેનાને ગાઝામાં તાત્કાલિક ‘તીવ્ર આક્રમણ’ શરૂ કરવા સૂચના આપી છે. દક્ષિણ ગાઝામાં હમાસ દ્વારા ઇઝરાયલી સૈનિકો પર ગોળીબાર કરવામાં આવ્યો હોવાના અહેવાલ સેનાના તુરંત બાદ આ નિવેદન આવ્યું છે. હમાસે કેટલાક અવશેષો પરત કર્યા બાદ બંને પક્ષો વચ્ચે તણાવ ચરમસીમાએ પહોંચી ગયો હતો. ઈઝરાયેલે દાવો કર્યો હતો કે આ અવશેષો યુદ્ધ દરમિયાન મળી આવેલા ઈઝરાયેલના બંધકના શરીરના છે.
અગાઉ, ઇઝરાયેલના વડા પ્રધાન બેન્જામિન નેતન્યાહુએ જાહેરાત કરી હતી કે હમાસ દ્વારા રાતોરાત પરત કરવામાં આવેલા બંધકના અવશેષો વાસ્તવમાં લગભગ બે વર્ષ પહેલાં ગાઝામાં ઇઝરાયેલી દળો દ્વારા પ્રાપ્ત કરાયેલા અન્ય બંધકના શરીરના ભાગો હતા. બે વર્ષ જૂના ઇઝરાયેલ-હમાસ સંઘર્ષ દરમિયાન ઇઝરાયલી દળોએ ગાઝામાંથી 51 બંધકોના મૃતદેહ મેળવ્યા છે. નેતન્યાહુએ આ અંગો પરત કરવાને હમાસ દ્વારા યુએસ-બ્રોકર્ડ યુદ્ધવિરામ કરારનું “સ્પષ્ટ ઉલ્લંઘન” ગણાવ્યું હતું.
તમને જણાવી દઈએ કે ગાઝામાં 13 બંધકોના મૃતદેહ હજુ પણ છે અને આ અવશેષોની ધીમી પુનઃપ્રાપ્તિ યુદ્ધવિરામના આગામી તબક્કાના અમલીકરણમાં અવરોધ ઉભી કરી રહી છે. હમાસ કહે છે કે તે ગાઝામાં વ્યાપક વિનાશ વચ્ચે મૃતદેહો શોધવા માટે સંઘર્ષ કરી રહ્યું છે, જ્યારે ઇઝરાયેલ ઉગ્રવાદી સંગઠન પર મૃતદેહો પરત કરવામાં ઇરાદાપૂર્વક વિલંબ કરવાનો આરોપ મૂકે છે.
બીજી બાજુ, હમાસે નેતન્યાહુએ હુમલાનો આદેશ જારી કર્યાની થોડી જ મિનિટો પછી જાહેરાત કરી હતી કે મંગળવારે સાંજે નિર્ધારિત અન્ય બંધકના મૃતદેહને સોંપવાની પ્રક્રિયા મોકૂફ રાખવામાં આવશે. અલ-કુદ્સ બ્રિગેડે તેના નિવેદનમાં સ્પષ્ટતા કરી છે કે અમે કબજો કરનારાઓના ઉલ્લંઘનને કારણે આજના ટ્રાન્સફરને મુલતવી રાખીએ છીએ.
