ગયાના. ઈમરાન તાહિર એકમાત્ર એવો ક્રિકેટર છે જેની ઉમર વધવાની સાથે એનર્જી વધી રહી છે અને તેનું પ્રદર્શન સતત સુધરી રહ્યું છે. વિપક્ષી બેટ્સમેનો માટે આ લેગ સ્પિનરને રમવું હજુ પણ મુશ્કેલ બની રહ્યું છે. પોતાની મજબૂત બોલિંગથી ઈમરાને તેની ટીમ એમેઝોન વોરિયર્સને CPLમાં સેન્ટ લુસિયા કિંગ્સ સામે શાનદાર જીત અપાવી છે. પ્રોવિડન્સ ક્રિકેટ સ્ટેડિયમમાં રમાયેલી મેચમાં સેન્ટ લુસિયા કિંગ્સે ટોસ જીતીને પ્રથમ બેટિંગ કરવાનો નિર્ણય કર્યો હતો. સેન્ટ લુસિયાના બેટિંગના નિર્ણયને એમેઝોન વોરિયર્સના કેપ્ટન ઈમરાન તાહિરે તેની ઘાતક બોલિંગથી ખોટો સાબિત કર્યો હતો. ઈમરાન 5 વિકેટ લઈને ટી20 ફોર્મેટમાં આ સિદ્ધિ મેળવનાર સૌથી મોટી ઉંમરનો બોલર બની ગયો છે. ઈમરાને 4 ઓવરમાં માત્ર 17 રન આપીને 5 વિકેટ લીધી હતી. તેની ઘાતક બોલિંગના કારણે સેન્ટ લુસિયા કિંગ્સ 18.5 ઓવરમાં 119 રનમાં સમેટાઈ ગઈ હતી. કામિલ પુરને સૌથી વધુ 43 રન બનાવ્યા હતા જ્યારે ઓબુસ પિનારે 35 રન બનાવ્યા હતા.
ઈમરાન ઉપરાંત મેહદી હસન મિરાઝે પણ એમેઝોન માટે શાનદાર બોલિંગ કરી હતી. મિરાજે 3 ઓવરમાં 16 રન આપીને 2 વિકેટ લીધી હતી. ડ્વેન પ્રિટોરિયસ અને રોમારિયો શેફર્ડને 1-1 વિકેટ મળી હતી.
120 રનના લક્ષ્યાંકને એમેઝોન વોરિયર્સે 18.3 ઓવરમાં 6 વિકેટના નુકસાને 122 રન બનાવીને હાંસલ કરી લીધો હતો અને મેચ 4 વિકેટે જીતી લીધી હતી. ઇનિંગ્સની શરૂઆત કરવા આવેલા ગ્લેન ફિલિપ્સે સૌથી વધુ 37 રન બનાવ્યા હતા. ફિલિપ્સે 40 બોલમાં 2 ફોર અને 1 સિક્સ ફટકારી હતી. ક્વેન્ટિન સેમ્પસને 11 બોલમાં 5 સિક્સ અને 1 ફોરની મદદથી 37 રનની અણનમ ઇનિંગ રમી હતી. વિકેટકીપર શાઈ હોપે 21 રન અને શિમરોન હિટમાયરે 14 રન બનાવ્યા હતા.
સેન્ટ લુસિયા માટે કેપ્ટન રોસ્ટન ચેઝે 4 ઓવરમાં 34 રન આપીને 3 વિકેટ ઝડપી હતી. મેથ્યુ ફોર્ડ, મહિષ તિક્ષાના અને ચરિથ અસલંકાને 1-1 વિકેટ મળી હતી.
ઈમરાન તાહિર પ્લેયર ઓફ ધ મેચ રહ્યો હતો.
–IANS
આ પણ વાંચો – અખબાર પહેલાં તમારા રાજ્ય/શહેરના સમાચાર વાંચવા માટે ક્લિક કરો.
