અમેરિકાના ઓમાહા શહેરમાં એક સગીર છોકરીનું યૌન શોષણ કરવા બદલ ભારતીય મૂળના એક વ્યક્તિને 10 વર્ષની જેલની સજા ફટકારવામાં આવી છે. ગુજરાતનો 27 વર્ષનો યુવક અમેરિકામાં ગેરકાયદેસર રીતે રહેતો હતો અને ત્યાંની અમેરિકન હોટલમાં કામ કરતો હતો. જાન્યુઆરી 2025 માં બનેલી આ ઘટનામાં, બે સગીર છોકરીઓને અન્ય રાજ્યમાંથી માનવ તસ્કરો દ્વારા એક હોટલમાં લાવવામાં આવ્યા હતા, જ્યાં તેમનું યૌન શોષણ માટે વેચાણ કરવામાં આવી રહ્યું હતું.
6 જાન્યુઆરી, 2025 ના રોજ ચોરીના અહેવાલ સાથે તપાસ શરૂ થઈ, જેમાં સેક્સ ટ્રાફિકિંગના પુરાવા મળ્યા. હોમલેન્ડ સિક્યુરિટી ટાસ્ક ફોર્સ અને ઓમાહા પોલીસ વિભાગની ટીમે બંને યુવતીઓને બચાવી હતી. યુવતીઓએ કહ્યું કે તસ્કરોએ તેમને રૂમનું ભાડું ઘટાડવા માટે હોટલના સ્ટાફ સાથે સેક્સ માણવાનો આદેશ આપ્યો હતો, નહીં તો તેમને હોટેલમાંથી બહાર ફેંકી દેવામાં આવ્યા હોત.
કેવી રીતે સમગ્ર મામલો પ્રકાશમાં આવ્યો
આરોપીએ કબૂલ્યું હતું કે તેણે હોટલના ડ્રોઅરમાંથી પૈસા કાઢીને તસ્કરોને આપ્યા હતા અને સગીર સાથે શારીરિક સંબંધ બાંધ્યા હતા. હોટલના સ્ટાફે તસ્કરો અને સગીરોને હોટલમાં ઘણા દિવસો સુધી રહેવા દીધા હતા. તસ્કરોએ ઓનલાઈન જાહેરાતો પોસ્ટ કરીને જાતીય કૃત્યોનું આયોજન કર્યું હતું. સગીર છોકરીઓને ખૂબ ઓછો ખોરાક આપવામાં આવતો હતો અને તેમને આ પ્રવૃત્તિઓમાં ભાગ લેવાની ફરજ પાડવામાં આવતી હતી.
