કોલકાતા નાઈટ રાઈડર્સે રોયલ ચેલેન્જર્સ બેંગ્લોરને 7 વિકેટે હરાવ્યું. IPLની આ સિઝનમાં 10 મેચોમાં પ્રથમ વખત કોઈ ટીમ ઘરની બહાર મેચ જીતી છે. આ પહેલા તમામ 9 મેચો માત્ર ઘરઆંગણે જ જીતી હતી. બેંગ્લોરના સ્ટાર બેટ્સમેન વિરાટ કોહલીએ 82 રન બનાવ્યા પરંતુ આ સ્કોર ટીમની જીત માટે પૂરતો નહોતો. બેંગલુરુએ 20 ઓવરમાં 6 વિકેટે 182 રન બનાવ્યા હતા. કોલકાતાએ 16.5 ઓવરમાં માત્ર 3 વિકેટ ગુમાવીને લક્ષ્ય હાંસલ કરી લીધું હતું.
કેપ્ટન શ્રેયસ અય્યરે વિનિંગ સિક્સ ફટકારી હતી. KKR માટે ફિલ સોલ્ટે 20 બોલમાં 30 રન, સુનીલ નારાયણે 22 બોલમાં 47 રન, વેંકટેશ અય્યરે 30 બોલમાં 50 રન અને શ્રેયસ અય્યરે 24 બોલમાં અણનમ 39 રન બનાવ્યા હતા. કેકેઆરએ પણ બેંગલુરુમાં તેનો મજબૂત રેકોર્ડ જાળવી રાખ્યો હતો
રોયલ ચેલેન્જર્સ બેંગ્લોરે કોલકાતા નાઈટ રાઈડર્સને 183 રનનો ટાર્ગેટ આપ્યો હતો. કોલકાતાએ ટોસ જીતીને પ્રથમ બોલિંગ કરવાનો નિર્ણય કર્યો, ત્યારબાદ તેના હોમ ગ્રાઉન્ડ પર બેંગલુરુએ પ્રથમ બેટિંગ કરતા 20 ઓવરમાં 6 વિકેટે 182 રન બનાવ્યા. RCB તરફથી વિરાટ કોહલીએ શાનદાર બેટિંગ કરી હતી. વિરાટ કોહલીએ 59 બોલમાં 83 રનની ઇનિંગ રમી હતી. તેણે 4 ચોગ્ગા અને 4 છગ્ગા ફટકાર્યા હતા. તેણે આઈપીએલમાં તેની 52મી ફિફ્ટી ફટકારી હતી.
તેના સિવાય કેમેરોન ગ્રીને 33 અને ગ્લેન મેક્સવેલે 28 રનનું યોગદાન આપ્યું હતું. કોલકાતા તરફથી આન્દ્રે રસેલ અને હર્ષિત રાણાને 2-2 વિકેટ મળી હતી. KKRએ ટીમના કેપ્ટન ફાફ ડુ પ્લેસિસને શરૂઆતમાં પેવેલિયન મોકલીને સારી શરૂઆત કરી હતી, પરંતુ તે પછી તેના બોલરો કંઈ ખાસ કરી શક્યા ન હતા. કોહલીએ મેક્સવેલ સાથે મળીને ત્રીજી વિકેટ માટે 31 બોલમાં 42 રનની ભાગીદારી કરી હતી. આ ભાગીદારી 15મી ઓવરમાં સમાપ્ત થઈ જ્યારે સુનીલ નારાયણે મેક્સવેલને પોતાનો શિકાર બનાવ્યો.
મેક્સવેલે 19 બોલમાં 3 ચોગ્ગા અને 1 છગ્ગાની મદદથી 28 રન બનાવ્યા હતા. આ પછી રજત પાટીદાર 17મી ઓવરમાં કંઈ ખાસ કરી શક્યો નહોતો. ત્યારબાદ 18મી ઓવરમાં હર્ષિત રાણાએ અનુજ રાવતને સસ્તામાં આઉટ કર્યો હતો. IPLનો સૌથી મોંઘો ખેલાડી મિચેલ સ્ટાર્ક આજે ખરાબ રીતે પરાસ્ત થયો હતો. સ્ટાર્કે 4 ઓવરમાં 47 રન આપ્યા હતા. આરસીબીની શરૂઆત જોઈને લાગતું હતું કે તેઓ 200નો લક્ષ્યાંક હાંસલ કરશે, પરંતુ એવું થઈ શક્યું નહીં.