ઇંગ્લેન્ડના સ્ટાર બેટ્સમેન જો રૂટે શ્રીલંકા સામેની બીજી વનડેમાં ટીમની જીતમાં મહત્વની ભૂમિકા ભજવી હતી. 3 મેચની શ્રીલંકા vs ઈંગ્લેન્ડ ODI શ્રેણીની બીજી મેચ આર પ્રેમદાસા સ્ટેડિયમ, કોલંબોમાં રમાઈ હતી. આ મેચમાં પ્રથમ બેટિંગ કરતા શ્રીલંકાની ટીમ માત્ર 219 રન જ બનાવી શકી હતી. આ દરમિયાન જો રૂટે 2 વિકેટ ઝડપી હતી. 220ના ટાર્ગેટનો પીછો કરતી વખતે રૂટે 75 રનની મહત્વપૂર્ણ ઇનિંગ રમી હતી. ઈંગ્લેન્ડે 22 બોલ અને 5 વિકેટ બાકી રહેતા મેચ જીતી લીધી હતી. જો રૂટને તેના ઓલરાઉન્ડ પ્રદર્શન માટે પ્લેયર ઓફ ધ મેચનો એવોર્ડ આપવામાં આવ્યો હતો.
જો રૂટે શ્રીલંકા સામેની બીજી વનડેમાં પ્લેયર ઓફ ધ મેચનો એવોર્ડ જીતીને ઈતિહાસ રચ્યો હતો. તે ઈંગ્લેન્ડ માટે સૌથી વધુ પ્લેયર ઓફ ધ મેચ એવોર્ડ જીતનાર ખેલાડી બની ગયો છે. હા, 149 વર્ષના ઈતિહાસમાં ઈંગ્લેન્ડના કોઈ ખેલાડીએ તેના કરતા વધુ પ્લેયર ઓફ ધ મેચનો એવોર્ડ જીત્યો નથી.
જો રૂટની કારકિર્દીમાં આ 27મો પ્લેયર ઓફ ધ મેચ એવોર્ડ હતો. તેણે ઈંગ્લેન્ડ માટે સૌથી વધુ પ્લેયર ઓફ ધ મેચ એવોર્ડ જીતનાર ખેલાડીઓની યાદીમાં પૂર્વ કેપ્ટન કેવિન પીટરસનને પાછળ છોડી દીધો છે. પીટરસને તેની કારકિર્દીમાં 26 વખત આ એવોર્ડ જીત્યો હતો અને તે ઘણા વર્ષો સુધી આ યાદીમાં નંબર-1 રહ્યો હતો. હવે જો રૂટે તેની પાસેથી આ તાજ છીનવી લીધો છે.
આંતરરાષ્ટ્રીય ક્રિકેટમાં ઈંગ્લેન્ડ માટે સૌથી વધુ મેચનો ખેલાડી
27 – જો રૂટ*
