કોમેડી પ્રેમીઓ માટે ફરી એકવાર હાસ્ય અને આનંદનો સમયગાળો શરૂ થવાનો છે. લોકપ્રિય કોમેડી શો ‘ધ ગ્રેટ ઈન્ડિયન કપિલ શો’ તેની પાંચમી સીઝન સાથે OTT પર વાપસી કરવા જઈ રહ્યો છે. કપિલ શર્માની સાથે સુનીલ ગ્રોવર, કૃષ્ણા અભિષેક, કીકુ શારદા, અર્ચના પુરણ સિંહ અને નવજોત સિંહ સિદ્ધુની ટીમ પણ દર્શકોને ફરીથી હસાવવા માટે તૈયાર છે. આ વખતે, સેલિબ્રિટી મહેમાનો સાથે શોમાં પહેલા કરતાં વધુ મજેદાર અને અનસ્ક્રીપ્ટેડ પળો જોવા મળી શકે છે.
નવી સીઝન 26 સપ્ટેમ્બરથી શરૂ થશે
‘ધ ગ્રેટ ઈન્ડિયન કપિલ શો 5’નું પ્રીમિયર 26 સપ્ટેમ્બરે થશે. શોના નવા એપિસોડ્સ દર શનિવારે રાત્રે 8 વાગ્યે માત્ર નેટફ્લિક્સ પર સ્ટ્રીમ કરવામાં આવશે. આ સિઝન ‘ફેસ્ટિવલ ઑફ લાફ્ટર’ થીમ સાથે રજૂ કરવામાં આવી રહી છે. મેકર્સ અનુસાર, કપિલની ટીમની સેલિબ્રિટી અને ન્યૂઝમેકર્સ સાથેની વાતચીત, જોક્સ અને અચાનક ફની પળો શોમાં દર્શકોનું મનોરંજન કરશે.
શૉની રિલીઝ ડેટની જાહેરાત કરતાં નેટફ્લિક્સે કૅપ્શનમાં લખ્યું, “ઢોલ, નગારા હવે બધા વગાડશે કારણ કે હાસ્યનો તહેવાર હવે નેટફ્લિક્સ પર હશે. 26 સપ્ટેમ્બર, શનિવારથી રાત્રે 8 વાગ્યે માત્ર નેટફ્લિક્સ પર ધ ગ્રેટ ઇન્ડિયન કપિલ શર્મા સીઝન 5 જુઓ.”
શોમાં વાપસી પર કપિલ શર્માએ શું કહ્યું?
શોની વાપસી વિશે વાત કરતા કપિલ શર્માએ કહ્યું, “દરેક સિઝનમાં અમને એવું લાગે છે કે અમે પૂરતી મજા કરી છે, અને પછી અમને ખ્યાલ આવે છે કે હજુ ઘણું કરવાનું બાકી છે! અને ક્યાંક મને લાગે છે કે તે જ અમને આગળ ધપાવે છે.”
પ્રેક્ષકોનો આભાર માનતા, તેમણે કહ્યું, “નેટફ્લિક્સ પર ‘ધ ગ્રેટ ઈન્ડિયન કપિલ શો’ને વિશ્વભરના અમારા દર્શકોએ જે પ્રેમ આપ્યો છે તેના માટે અમે ખૂબ જ આભારી છીએ. આ વખતે અમે આવનારા તહેવારોને દિલથી ઉજવીશું… પછી તે દિવાળી હોય કે ક્રિસમસ.” કપિલે તેની લાક્ષણિક શૈલીમાં મજાક કરતા કહ્યું, “બસ અર્ચના જીથી પરબિડીયાઓ દૂર રાખો, નહીં તો અમે હાસ્યનો તહેવાર લાવી રહ્યા છીએ!”
આ પણ વાંચોઃ કન્નડ અભિનેતા અનંત નાગને મળશે દાદાસાહેબ ફાળકે એવોર્ડ, 300 થી વધુ ફિલ્મોમાં કામ કર્યું છે
