પેરિસ, એજન્સી. બ્રિટિશ એન્ટાર્કટિક સર્વેના સંશોધકો અને કલાકારોએ એન્ટાર્કટિકામાં રેડિયો તરંગોને શ્રાવ્ય સંગીતમાં પરિવર્તિત કર્યા. સંશોધકોએ અવકાશના હવામાન અને સૌર વાવાઝોડા દ્વારા ઉત્પન્ન થતા કુદરતી રેડિયો તરંગોને રેકોર્ડ કર્યા છે. આ ડેટાને મ્યુઝિકમાં કન્વર્ટ કરીને નવ મ્યુઝિક આલ્બમ તૈયાર કરવામાં આવી રહ્યા છે. હેલી રિસર્ચ સ્ટેશન પર ખાસ એન્ટેનાની મદદથી ખૂબ જ ઓછી આવર્તનવાળા રેડિયો તરંગો શોધી કાઢવામાં આવ્યા હતા. આ તકનીકને સોનીફિકેશન કહેવામાં આવે છે. આ તરંગોમાં પક્ષીઓના કિલકિલાટથી લઈને લાંબી સીટીઓ સુધીના અનોખા અવાજો સંભળાય છે. તેને ઈલેક્ટ્રોનિક બીટ્સ અને ઈન્સ્ટ્રુમેન્ટ્સ સાથે મિક્સ કરીને ઈન્ફિનિટાસ ફોર્માસ નામનું આલ્બમ પણ બહાર પાડવામાં આવ્યું છે.
સંશોધકો માને છે કે સૌર વાવાઝોડા દરમિયાન આ સંગીત ખૂબ જ જોરથી અને ઉત્તેજક બની જાય છે, જ્યારે અવકાશનું હવામાન શાંત હોય ત્યારે તેની ધૂન પણ ધીમી અને હળવા બને છે.
