સુકાની બાબર આઝમની આગેવાની હેઠળની પાકિસ્તાનની ટીમ હવે ODI રેન્કિંગમાં નંબર વન પર આવી ગઈ છે. ક્રિકેટના ઈતિહાસમાં પહેલીવાર પાકિસ્તાનની ટીમ ODI રેન્કિંગમાં નંબર વન બની છે. પાકિસ્તાને ચોથી ODIમાં ન્યૂઝીલેન્ડને 102 રને હરાવીને ક્લીન સ્વીપ તરફ મજબૂત પગલું ભર્યું અને ODIમાં નંબર વન રેન્કિંગ પાછું મેળવ્યું.
ન્યૂઝીલેન્ડ સામેની પાંચ મેચની વનડે શ્રેણીની શરૂઆતમાં, પાકિસ્તાન 106 પોઈન્ટ સાથે રેન્કિંગમાં પાંચમા સ્થાને હતું પરંતુ તેની પ્રથમ ચાર મેચ જીતીને ઓસ્ટ્રેલિયા અને ભારત કરતાં આગળ નીકળી ગયું હતું. પાકિસ્તાન હવે 113.483 પોઈન્ટ્સ સાથે ODI રેન્કિંગમાં ટોચ પર છે, જ્યારે ઓસ્ટ્રેલિયા (113.286) બીજા અને ટીમ ઈન્ડિયા (112.638) ત્રીજા સ્થાને પહોંચી ગઈ છે.
બાબરે 117 બોલમાં 107 રન બનાવ્યા, જે તેની વનડેમાં 18મી સદી છે. તેની ઇનિંગની મદદથી પાકિસ્તાને પ્રથમ બેટિંગ કરતા છ વિકેટે 334 રન બનાવ્યા હતા. જવાબમાં ન્યુઝીલેન્ડ 232 રન બનાવીને આઉટ થઈ ગયું હતું. આ સિરીઝમાં ન્યૂઝીલેન્ડનો સૌથી ઓછો સ્કોર છે. આ જીત સાથે પાકિસ્તાને પાંચ મેચોની શ્રેણીમાં 4-0ની લીડ મેળવી લીધી છે. તે ICC ODI રેન્કિંગમાં ટોપ પર પહોંચી ગયો છે. પાંચમી અને છેલ્લી વનડે રવિવારે રમાશે.
બાબરે મેચ બાદ કહ્યું કે, વિશ્વની નંબર વન ટીમ બનવાનો શ્રેય સમગ્ર ટીમ અને સપોર્ટ સ્ટાફને જાય છે. પાકિસ્તાનનો સ્કોર 25મી ઓવરમાં ત્રણ વિકેટે 128 રન હતો. આ પછી બાબર અને આગા સલમાન (58)એ ચોથી વિકેટ માટે 117 રનની ભાગીદારી કરી હતી. શાહીન શાહ આફ્રિદી (અણનમ 23) અને મોહમ્મદ હરિસ (અણનમ 17) એ છેલ્લી બે ઓવરમાં 38 રન ભેગા કર્યા હતા. જેના કારણે પાકિસ્તાન મજબૂત સ્કોર કરવામાં સફળ રહ્યું હતું. ન્યુઝીલેન્ડ તરફથી મેટ હેનરીએ 65 રનમાં ત્રણ વિકેટ ઝડપી હતી. બાબરને તેની પ્રથમ ODI મેચ રમતા બેન લિસ્ટર દ્વારા આઉટ કરવામાં આવ્યો હતો, જે ODIમાં તેની પ્રથમ વિકેટ પણ હતી. બાબરે પોતાની ઇનિંગ દરમિયાન વનડેમાં 5000 રન પણ પૂરા કર્યા હતા.
તેણે 97 ઇનિંગ્સમાં આ સિદ્ધિ હાંસલ કરીને દક્ષિણ આફ્રિકાના હાશિમ અમલાના રેકોર્ડને તોડી નાખ્યો, જેણે 101 ઇનિંગ્સમાં આ સિદ્ધિ હાંસલ કરી હતી. મોટા લક્ષ્યનો પીછો કરતા ન્યુઝીલેન્ડનો સ્કોર પણ 26 ઓવર બાદ ત્રણ વિકેટે 129 રન હતો. તેની તરફથી કેપ્ટન ટોમ લાથમે સૌથી વધુ 60 રન બનાવ્યા જ્યારે માર્ક ચેપમેને 46 રનનું યોગદાન આપ્યું. ન્યૂઝીલેન્ડે તેની છેલ્લી સાત વિકેટ 48 રનમાં ગુમાવી દીધી હતી. પાકિસ્તાન તરફથી લેગ સ્પિનર ઉસ્માન મીરે 43 રનમાં ચાર અને મોહમ્મદ વસીમે 40 રનમાં ત્રણ વિકેટ ઝડપી હતી.